王牌冰室 (聯興街) (已結業)

早餐去食叫咗蕃茄濃湯午餐肉粒公仔麵+丹麥多士配牛乳炒蛋。個麵雖然寫係濃湯但係感覺佢係完全將罐頭蕃茄蓉直接撈上去，冇加過任何湯，洗腎級數既鹹，食咗三份一已經食唔到。丹麥多士係凍同埋硬嘅，牛乳炒蛋都係凍嘅，估計兩樣都係喺廚房整定一大堆有人要就拎出嚟。熱奶茶水準不錯。餐廳環境稍稍陳舊，衛生環境一般，上菜速度算快。我有喺其他分店食過，多士同炒蛋凍嘅問題依然有，濃味嘅我依然覺得太鹹，不過佢嘅特濃沙嗲牛肉就好過佢嘅蕃茄好多。