維記咖啡粉麵

营业中

休息中

離開咗深水埗一段時間，再次食佢嘅豬膶麵真係震撼到我。冇諗過會變得咁難食，豬膶又老又柴，食落冇味，湯亦冇晒啲豬膶泡泡。唯一可取，係夠熱！為咗減低我因為食咗劣食而引發嘅憤怒，我加左件加央多，希望可以平衡味蕾，好彩冇浪費呢$16，佢療癒咗我，冇即場反枱。隔離枱有對銀髮族夫婦，嗌咗豬膶麵同牛肉麵，佢哋都話豬膶好老、咬唔到。伯伯想叫店家換，但婆婆制止佢，話食唔到就由佢，最多以後唔幫襯。冷靜落嚟，回想剛才嗰碗豬膶麵其實並唔係咁難食，只係佢唔再係維記豬膶麵嘅味道，佢只係一碗將貨就價，用唔新鮮豬膶做嘅麵，我剛才嘅憤怒只係恨鐵不成鋼，只要放下對維記豬膶麵嘅感情，就唔會影響到我情緒。香港飲食業萬歲！