屋子 (已結業)

上次嚟見到條龍好長，決定揾日weekday 再戰。佢環境幾好嘅，相當闊落，裝修幾靚，打下卡食個tea 都ok ，我好彩坐喺tatami 位，望住窗外雨點淅淅瀝瀝都幾寫意😌但叫主食嗰啲我就覺得可以免啦。1. 鰻魚茶漬飯 👌鰻魚ok la 我覺得同donki 買嗰啲差唔多，都算飽肚嘅，98有杯嘢飲送下咁都唔錯。2. 和風牛肉飯👎呃。。。淡咗啲，90幾太貴啦，啲牛又唔係好好食，飯又太過濕。3. 草莓戚風蛋糕👎個樣叫做靚靚仔仔，但件蛋糕同cream 都唔係幾好食，蛋糕太乾啦，cream 又冇乜奶味，連頂上舊士多啤梨都唔好食嘅。總括嚟講呢間嘢係比較金玉其外，影下相就得，weekend排幾十分鐘入嚟就無謂。