影片
更多
2021-10-18
114 浏览
週末早上橫風橫雨，一起身見到咁嘅環境心情當堂一沉。咁又點？唔通少少風雨就阻擋到我哋熾熱的覓食之心嗎？今日我哋嘅目的地是銅鑼灣Aura樓上的輝！俗語有云，唔怕生壞命，最怕改錯名。無論人同埋餐廳，叫阿輝都唔會衰得去邊，起碼個音夠響，又容易俾人記得。如果係做中式嘢好似火鍋或者點心之流實會叫做輝哥，日本餐冇理由叫做輝仔，單字一個輝都不錯，好過叫鮨輝，呢排太多鮨乜鮨物搞到我地啲客仔好混亂，況且佢又唔係淨係食魚生壽司。餐廳裝修中規中矩，沒有太大特色，但勝在夠大，空間感十足，置身其中，感覺十分舒服。經理服務一流，帶我哋坐在窗旁位置，俯覽銅鑼灣街頭橫風橫雨，煞是好看！如果加多些閃電就仲正！☝️極上壽司拼盤 ($398) - 新鮮！件件都好食，雖然又未到好驚艷，但係整體來講是中上，右上角的蛋卷中間鑲了紫蘇葉，幾好食。☝️呢兩件都係sushi set包埋的。海膽不腥，是較為高級的貨色，旁邊是鮑魚加了鮑魚肝造成嘅醬，味道不會太濃，兩樣都好食。☝️Lunch Omakase ($6xx) - 第一道菜，八爪魚刺身，下面加咗醋漬海草。八爪魚有啲淡茂茂，反而個海草酸酸地幾醒胃。☝️第二道菜，刺身。牡丹蝦都係咁，當然唔會話
俗語有云，唔怕生壞命，最怕改錯名。無論人同埋餐廳，叫阿輝都唔會衰得去邊，起碼個音夠響，又容易俾人記得。如果係做中式嘢好似火鍋或者點心之流實會叫做輝哥，日本餐冇理由叫做輝仔，單字一個輝都不錯，好過叫鮨輝，呢排太多鮨乜鮨物搞到我地啲客仔好混亂，況且佢又唔係淨係食魚生壽司。
餐廳裝修中規中矩，沒有太大特色，但勝在夠大，空間感十足，置身其中，感覺十分舒服。經理服務一流，帶我哋坐在窗旁位置，俯覽銅鑼灣街頭橫風橫雨，煞是好看！如果加多些閃電就仲正！
8 浏览
0 赞好
0 留言
☝️極上壽司拼盤 ($398) - 新鮮！件件都好食，雖然又未到好驚艷，但係整體來講是中上，右上角的蛋卷中間鑲了紫蘇葉，幾好食。
0 浏览
0 赞好
0 留言
☝️呢兩件都係sushi set包埋的。海膽不腥，是較為高級的貨色，旁邊是鮑魚加了鮑魚肝造成嘅醬，味道不會太濃，兩樣都好食。
1 浏览
0 赞好
0 留言
☝️Lunch Omakase ($6xx) - 第一道菜，八爪魚刺身，下面加咗醋漬海草。八爪魚有啲淡茂茂，反而個海草酸酸地幾醒胃。
2 浏览
0 赞好
0 留言
12 浏览
0 赞好
0 留言
☝️第二道菜，刺身。牡丹蝦都係咁，當然唔會話腥或者唔新鮮，驚喜嘅係舊拖羅，厚切又冇筋，用筷子拮住，點少少豉油放入口，當堂進入了極樂天國！
2 浏览
0 赞好
0 留言
☝️第三道菜，壽司。海膽不錯，但我就鍾意件赤身，魚味本身夠濃，搽上少少豉油，乜嘢都唔加，就咁放落口，認真不錯！碗仔入邊嘅係鮑魚壽司，上面放咗用鮑魚肝做嘅醬，味道唔會好濃，好吃。
3 浏览
0 赞好
0 留言
☝️第四道菜，汁煮鯖魚。唔係乜名貴食材，但佢煎得靚靚咁，再打多個透明芡令到食起上嚟比較順滑，唔會話有啲乾乾嘅感覺。
4 浏览
0 赞好
0 留言
☝️第五道菜，香煎A5和牛。外邊煎得香噴噴，入邊軟熟啱啱好，食得一口油脂，滿足非常。
5 浏览
0 赞好
0 留言
☝️第六道菜，冷稻庭烏冬加溫泉蛋。齋睇個樣有啲似意大利粉carbonara。乳白色嘅醬汁是芝麻味道，打爛埋隻蛋撈亂來吃，很是和味！稻庭烏冬軟硬適中，食起上嚟冰冰涼涼，芝麻嘅香，加上蛋漿嘅濃稠滑溜，回味無窮！
3 浏览
0 赞好
0 留言
☝️甜品，南瓜蓉杏仁雪糕。估唔到雪糕撈埋甜甜地的南瓜蓉都幾好食！
呢餐飯食得相當順心，食物好吃，服務熨貼。一客壽司盛加上一客午餐廚師發板，在銅鑼灣區，就算在同一座大廈的其他日本料理，收你千六七一啲唔會覺得出奇，照俾可也，但係輝只是要價$1000鬆啲，有咁嘅質素，直頭要俾個叻佢！
张贴
