魚樂一番 (已結業)

花膠做主題，心想是時侯補一下膠質了。先看午餐牌，套餐有飲品，例如單叫鮑汁花膠撈蝦子麵$58，套餐是$68，多$10一杯飲品，而有些是比開業推廣價多$8至$12不等，才多一杯飲品，是否抵就由你自己決定了。最後單叫了鮑汁花膠撈蝦子麵，有柄鑊仔上枱以為很熱辣辣，咁就錯啦！只是盛器而已，全部餸麵都是微暖，蝦子麵份量不大，麵身都爽，鮑汁唔太鹹太稠 ，帶有少少甜味。其實蝦子麵幾好味，可惜鮑汁是凍的，一撈埋就連麵都涼晒，便大打折扣了。花膠應是碎邊位的貨色，有膠質，咁嘅價錢算唔錯了。川味鹵水五花肉拌麵+熱檸茶，有6片五花肉，拌麵也是涼拌的，據說湯麵才是熱的。拌麵份量多些，麻辣頗惹味。要加一服務費，百多元埋單其實唔多飽，不過有花膠吃吓都算唔錯嘅！