大家興緻勃勃咁諗住嗌糖百府。因為上次嗌過覺得d中式糖水幾好味。打去落單, 點知係"百無"。(已經係下午四點幾)
中式糖水得杏仁糊, 紅豆沙、綠豆沙、芝麻糊、花生糊等等等等...一律欠奉。
仲要逐樣問先話你知原來無, 如果得一樣糖水, 係咪應該一開始就講清楚好d呢?
有同事見只係幾分鐘路程, 想試o下外賣雪花冰, 預o左自己落去外賣自取, 唔駛間鋪驚d雪溶唔肯做。點知糖百府o既職員真係諸多推搪, 又話壓實d冰賣相唔好, 我話唔介意。佢就話驚d冰溶, 我話得幾分鐘路程無問題, 況且我o地外賣自取, 唔需要佢負責任。於是佢又出另一招話無咁大個盒, 分量會細o左......唉........
佢叫我揀過第二樣, 咁佢要有第二樣俾我揀至得o架! 糖水得獨孤一味杏仁糊, 唔通我嗌六碗杏仁糊???
於是我o地轉嗌石磨坊, 人家係餐牌上面所有item都有得供應!!!
邊間似做生意, 看官自行判斷啦!
