影片
更多
2006-11-10
以上說話, 出自此食店一名侍應。革命尚未成功, 同志仍需努力。出得街食, 不求低收, 只求力保不失。唔想之後幾日白過, 唯有選擇生牛肉湯河。點了一碗小份量的牛頸脊湯河, 椰重青咖哩焗牛柳粒飯, 以及扎肉粉卷。落單後, 我的湯河先到, 前後不用兩分鐘。試一口湯, 一般偏低水平而已。河粉粗身, 猶幸較薄, 可接受。半生熟狀態的牛肉片, 帶少量肥肉, 味道都唔錯。食到一半, 個卷到左。請refer下面南瓜兄食評照片上之小食, 內部結構如下: 扎肉細舊得可憐, 一隻蝦仲要係開邊先捲的, 加上大量檬粉, 蘿蔔細絲, 大大棵邊位發黃的菜, 同埋薄荷葉。"加工蝦" 係我十分討厭之食材, 不過費事令到佢散, 迫於無奈食埋。蝦及扎肉都好重加工味, 不過因為我喜歡吃檬粉同酸酸的汁, 加上蝦及扎肉的用量十分"精緻", 此小食都不致難吃。焗飯只用半個椰皇做容器, 底層為炒飯, 鋪上幾粒加工牛肉, 以及一pat嘔物狀的汁... 份量係粗魯d講句: "乞兒得可憐"。試左一口, 嘔汁樣係衰d, 不過椰香味幾香。炒飯及加工牛肉水準均為不及格。要catch侍應們的attention係有d難度的。當我叫埋單之時, 揮手足
革命尚未成功, 同志仍需努力。出得街食, 不求低收, 只求力保不失。唔想之後幾日白過, 唯有選擇生牛肉湯河。
點了一碗小份量的牛頸脊湯河, 椰重青咖哩焗牛柳粒飯, 以及扎肉粉卷。
落單後, 我的湯河先到, 前後不用兩分鐘。試一口湯, 一般偏低水平而已。河粉粗身, 猶幸較薄, 可接受。半生熟狀態的牛肉片, 帶少量肥肉, 味道都唔錯。
食到一半, 個卷到左。請refer下面南瓜兄食評照片上之小食, 內部結構如下: 扎肉細舊得可憐, 一隻蝦仲要係開邊先捲的, 加上大量檬粉, 蘿蔔細絲, 大大棵邊位發黃的菜, 同埋薄荷葉。"加工蝦" 係我十分討厭之食材, 不過費事令到佢散, 迫於無奈食埋。蝦及扎肉都好重加工味, 不過因為我喜歡吃檬粉同酸酸的汁, 加上蝦及扎肉的用量十分"精緻", 此小食都不致難吃。
焗飯只用半個椰皇做容器, 底層為炒飯, 鋪上幾粒加工牛肉, 以及一pat嘔物狀的汁... 份量係粗魯d講句: "乞兒得可憐"。試左一口, 嘔汁樣係衰d, 不過椰香味幾香。炒飯及加工牛肉水準均為不及格。
要catch侍應們的attention係有d難度的。當我叫埋單之時, 揮手足足分幾鐘。盛惠$106.7, 我付了$110, 平常的話一個幾毫我係會由得佢的, 基於我唔多滿意此餐廳, 所以我堅持等我應找到的錢。在收銀處談天說地的兩位女侍應見狀,就拎住$3.3 過來, 同我講"唔使找錢喇可?"。They don't deserve a tip! 最後梗係連3毫子都拎埋走。
黑店。
张贴