日本野 (已結業)

疫情封關咁耐，搞到大家都冇得去旅行。香港人最鍾意去嘅地方日本，除咗想去買嘢之外，最重要嘅梗係去食日本嘢啦。估唔到原來香港都有間叫日本嘢嘅餐廳，見佢個名咁特別就嚟試吓啦。呢間餐廳係要搭升降機上去嘅，一開門就見到超多人等位，好彩有book位，等咗一陣就入得啦，大家嚟嘅話都記住book位啊。隔離嗰間西餐好似都係同一個集團嘅，下次都嚟試吓先。食日本嘢就梗係要食刺身啦，我哋叫咗個三文魚刺身，佢切得夠厚之餘亦都好新鮮，雖然價錢平但係質素都好高喎。呢排好興食石燒牛，見到呢度有咁就梗係要試吓啦，我哋揀咗個吉列石燒牛，佢嘅牛肉質素好好，食落好有牛味，而且咬落唔會太硬，配埋吉列外脆內嫩真係好正啊。我哋仲叫咗一個龍蝦海鮮鍋，估唔到隻龍蝦咁大隻，而且食落肉質好鮮味彈牙，估唔到喺間日本餐廳都可以食到咁正嘅龍蝦啊。除咗龍蝦之外，佢嘅其他海鮮都好足料，又有大大隻嘅蝦又有魷魚。呢間日本嘢又平又抵食，唔怪得咁多客人啦。下次嚟，就會試吓佢同集團隔離嗰間西餐啦。