新記雞粥 (筲箕灣道)

营业中

休息中

🎈新記雞粥 (筲箕灣)🔍筲箕灣筲箕灣道307號地下及1樓-----中學同學生BB，所以過咗嚟筲箕灣探佢，探完佢之後B仔同朋友就喺附近食晚餐。見到呢間新記粥店，之前喺佐敦食過，印象中味道不錯，而且呢間分店嘅環境幾新淨，好似幾好坐，所以我地就揀咗佢做晚餐落腳點。-貴妃雞粥$52：既然個舖頭名都有雞粥 相信佢哋嘅雞粥應該唔會差 所以我哋就點左呢一份招牌嘅貴妃雞粥試下 果然 粥底味道好清甜感覺將雞湯嘅精華濃縮於當中 質感亦好綿密 雞肉滑溜 確係可以擔當得起招牌菜嘅美名-海蜇拼熏蹄 （$52）爽口嘅海蜇酸酸甜甜 熏蹄則QQ彈彈冰涼透心 好適合作為夏日消暑前菜🌴-蜆介鯪魚球（$52）酥脆扎實嘅鯪魚球配搭粒粒蜆肉嘅足料蜆介醬，味道無令人失望，一個人食太多粒會比較重味，同朋友分享就啱啱好。-紅燒脆皮乳鴿 （$65）乳鴿肉厚肥嫩，薄薄一層脆皮下，無多餘嘅脂肪，好味得黎，食完亦唔會有內疚感。-----👶🏻B仔整體評價：7.5/10個👍🏻👶🏻B仔抵食程度：7.5/10個👍🏻👶🏻B仔環境評分：7.5/10個👍🏻👶🏻B仔味道評分：7.5/10個👍🏻👶🏻B仔回頭機會：7.5/10個👍🏻-----#swallowh