潮牛莊火鍋

营业中

休息中

朋友请我食生日饭，去咗潮牛庄🐂我之前嚟过三至四次，觉得呢间质素同服务都好好。今次嚟到都系一人一锅，叫咗青红萝卜牛蹄汤🥕🐂同花胶人参鸡汤🐔我一直觉得呢度嘅火锅汤底先系主角，每一次打完边炉都会饮晒🍲牛蹄充满骨胶原，食完之后嘴唇会有啲黏口嘅感觉。人参鸡汤嘅人参味好出，亦都可以见到有两件花胶同一条好长嘅人参，足料。呢度嘅汤底就算当系老火汤都不为过🍲两个人我例牌嗌咗一碟大嘅双拼骟牯牛🥩，牛颈脊加爪边。质素依然系冇得顶，同食和牛唔同，打边炉主要系食肉味，呢度嘅牛打边炉滚五至八秒，食嘅时候系浅粉红色，唔会入口即溶，但越嚼越香，但又唔会起渣，都系嫩口。牛颈脊比较腍滑而找边就比较有嚼劲。$529一碟大概各8-10块，价钱略贵但质素上乘。如果嫌价钱贵可以唔叫依度既骟牯牛，佢其他食物其实价钱唔算太贵但保持到质素，例如五宝丸（有🐂🦐🐖🐟🐙），都系120蚊10粒，食落就知真材实料，单从纹理外观就睇得出真系手打，同坊间任食边炉唔同，尤其系虾丸🦐，食落啖啖虾肉。另外就叫咗牛下巴🐮，其他地方少见，食过有啲似花胶，都好浆口同骨胶原feel。两个人最后埋单1200，都算饱肚，冇其他评论食到咁贵。呢度酱料费收28蚊一个人，