鼎泰豐

营业中

休息中

去鼎泰豐當然要食佢嘅小龍包，佢嘅好食程度大家都心中有數，所以都唔同大家分享。反而想介紹佢嘅油豆腐粉絲湯🍲雖然話係油豆腐，但食落去唔算好油。佢將肉碎🥩釀左入豆腐裏面，食落去有兩種層次，又食到肉碎嘅鮮味，令到個湯粉絲調味剛剛好。粉絲方面唔會太淋太脹，食落有咬口，飲埋d湯就一流啦！唔想食咁包但又想食麵都可以叫呢個試下！另外叫左款之前無食嘅蒜香粉皮肉前菜。佢嘅肉切得夠薄易入口，脂肪比例件件平均，底下鋪上粉皮，撈埋蒜香醬汁同豬肉一齊食，口感好豐富同令你食慾大增！唯獨覺得蒜香唔夠多！下次有機會去嘅朋友可以試下🙂