興發茶餐廳 (已結業)

聞兩日去左食。果然出名，十二點已經爆晒，重見到好多學生哥黎食。噫，宜家既學生真有米，成四十銀一碟炒飯都叫，邊個話金融海嘯﹖叫左人人贊好的牛肉炒飯，開始等。等呀等...喂，成本書都刨完，半個鐘喎﹗影都無﹖一問，原來被隔離檯的人截劫左﹗對晒唔住，送晒例湯，都重係慶慶地。等呀等...又等左四個字，終於都有啦。呢碟就係我等左成九個字的炒飯﹖色水唔均勻，炒到飯粒唔散，入口唔乾爽，落味亦都唔夠，真係可怒也~又係一輪對唔住，話太多人，今日水準唔係太穩定。唉，可能真係早去，或者下午茶去，先食到大家贊好的炒飯卦。