影片
更多
2023-10-24
31 浏览
約咗好耐冇見嘅朋友食飯，咁耐冇見肯定雞啄唔斷，記得同事之前聚餐嚟過呢間火鍋店，有提過係無限時任食，今次真係啱晒我哋！揀咗豪食套餐$368/1位，另收加一，有燉湯、小食、刺身、雞煲/酸菜魚，直落打邊爐，真係飽到行唔郁咁濟！呢個豪食套餐分幾round, 要順次序食落去。另外，呢間火鍋店用哥基犬做主題，logo係哥基犬，入面幾幅大嘅牆身都用上哥基犬嘅牆紙，店內仲有標語係關於愛護毛孩，相信老闆都係有愛心嘅愛狗之人！✔️豪食套餐$368◾️◾️時令燉湯一碗燉湯係蟲草花雞湯，花上數小時熬製滲出濃郁蟲草味和雞嘅鮮味，清清甜甜。湯入邊有好多雞件，好有份量。◾️◾️ Round1：任食餐前小食餐前小食有6款任食，食到唔食先可以去下一round, 知道呢個套餐有好多嘢食，所以留肚食其他嘢只叫咗三款小食：蟹籽沙律、甜蕃薯條、酸甜炸大腸，最驚喜係炸大腸，外層脆到咯咯聲，內層軟稔，整體又夠味！◾️◾️ Round2：前菜(一次性刺身）刺身用冰乘着，新鮮、冰凍又大件，有三文魚、元貝、牡丹蝦、吞拿魚、北寄貝，素質唔錯，最鍾意牡丹蝦細綿帶爽又鮮甜，蝦身長啖啖蝦肉！◾️◾️ Round3：頭盤(一次性酸菜魚/任食雞煲)揀咗雞煲，個醬汁醬
另外，呢間火鍋店用哥基犬做主題，logo係哥基犬，入面幾幅大嘅牆身都用上哥基犬嘅牆紙，店內仲有標語係關於愛護毛孩，相信老闆都係有愛心嘅愛狗之人！
✔️豪食套餐$368
◾️◾️時令燉湯一碗
燉湯係蟲草花雞湯，花上數小時熬製滲出濃郁蟲草味和雞嘅鮮味，清清甜甜。湯入邊有好多雞件，好有份量。
◾️◾️ Round1：任食餐前小食
餐前小食有6款任食，食到唔食先可以去下一round, 知道呢個套餐有好多嘢食，所以留肚食其他嘢只叫咗三款小食：蟹籽沙律、甜蕃薯條、酸甜炸大腸，最驚喜係炸大腸，外層脆到咯咯聲，內層軟稔，整體又夠味！
◾️◾️ Round2：前菜(一次性刺身）
刺身用冰乘着，新鮮、冰凍又大件，有三文魚、元貝、牡丹蝦、吞拿魚、北寄貝，素質唔錯，最鍾意牡丹蝦細綿帶爽又鮮甜，蝦身長啖啖蝦肉！
◾️◾️ Round3：頭盤(一次性酸菜魚/任食雞煲)
揀咗雞煲，個醬汁醬油味好香濃，少少辣味好開胃，加上蒜頭、洋蔥、香菜等調味，令到滑嫩嘅雞件美味度提升。侍應提示先焗一陣雞件，之後再將另外用碟上嘅豬皮、魷魚、牛柏葉等放入煲中，呢幾樣嘢除咗好吸味之外，仲為雞煲增添鮮味。
◾️◾️ Round4：火鍋盛宴
食完3 round已經好飽，但係打邊爐先係重點，首先四揀一湯底揀咗高湯牛尾，個湯有幾舊牛骨、香菜調味，清清哋無負擔。
之後侍應會送上一次性海鮮拼盤，入面包括：蟶子、鮑魚、蜆、鯇魚片、鮮蝦，無論個樣同口感都幾新鮮，尤其鍾意蟶子、鮮鮑魚，特別爽口彈牙！
隨即仲有一次性嘅豪華牛肉拼盤，包括左八款牛肉：潮汕五花趾、吊龍伴、手切牛頸脊、黃喉、澳洲封門柳、熊本雪花一口牛、SRF和牛肩胛肉眼芯、SRF和牛三角肉，都算多種類，其中一啲款式喺其他火鍋店好少見，例如潮汕五花趾、吊龍伴，靚牛肉食起上嚟香濃牛肉味四濺，成口都係牛肉味！
另外仲可以用QR code任點其他火鍋配料，其他一般牛肉、羊肉、豬肉，一應俱全，丸類、餃類、一盤火鍋配料任點任食，仲有自助蔬菜吧蔬菜種類10幾種、自助飲品區！
张贴
