影片
更多
2023-06-15
145 浏览
最開頭食緊既時候都真心覺得食物質數唔錯，餐龐都幾靚，坐得算舒服，同行朋友已經諗住黎緊朋友生日飯可以再黎一次，點知。。。接二連三既員工9唔搭8行為真係一路食一路覺得好不解同激氣😑1.我地舉手叫員工A，佢示意左，10秒後行過黎，點知去左我地格離台，我地以為格離台早過我地叫佢，點知原來佢認錯左我地係格離台 （呢個都只係得啖笑既，因為當日真係唔多客，而呢個員工都真係應完我地幾秒後就行緊過黎）2.第二轉點餐果陣朋友想點池魚配酸汁，menu冇，店員B話可以幫我地問一問有冇，同時我地再order埋生蠔，點知第一轉食完之後過左好一陣店員B都冇同我地講返究竟問完係有冇池魚，同埋行蠔仲未黎，我地見到店員A經過就叫佢幫我地check下，店員A話已經幫我地落左order （池魚同生蠔）咁我地就r爆頭，點解唔get back返比我地知問完係有池魚，同埋究竟幫我地order左半條定一條？有冇酸汁？我地咩都唔知，咁店員A就解釋返order左原條，價錢係幾多同埋我地3個人一定食得哂等等，咁講完一大輪之後我地就等我地果條原條既池魚3.店員D送池魚黎果陣，因為見到份量都比較小，我地就問聲呢個係咪一條，佢話係半條，我地又打
接二連三既員工9唔搭8行為真係一路食一路覺得好不解同激氣😑
1.我地舉手叫員工A，佢示意左，10秒後行過黎，點知去左我地格離台，我地以為格離台早過我地叫佢，點知原來佢認錯左我地係格離台 （呢個都只係得啖笑既，因為當日真係唔多客，而呢個員工都真係應完我地幾秒後就行緊過黎）
2.第二轉點餐果陣朋友想點池魚配酸汁，menu冇，店員B話可以幫我地問一問有冇，同時我地再order埋生蠔，點知第一轉食完之後過左好一陣店員B都冇同我地講返究竟問完係有冇池魚，同埋行蠔仲未黎，我地見到店員A經過就叫佢幫我地check下，店員A話已經幫我地落左order （池魚同生蠔）
咁我地就r爆頭，點解唔get back返比我地知問完係有池魚，同埋究竟幫我地order左半條定一條？有冇酸汁？我地咩都唔知，咁店員A就解釋返order左原條，價錢係幾多同埋我地3個人一定食得哂等等，咁講完一大輪之後我地就等我地果條原條既池魚
3.店員D送池魚黎果陣，因為見到份量都比較小，我地就問聲呢個係咪一條，佢話係半條，我地又打左個突話頭先店員A話order落左一條，咁店員D話而家得半條，咁我地已經冇野好講d野變黎變去，咁唔緊要半條就半條啦，只係真心唔明，因為三個人都聽住店員A話係一條
正當我地食緊生蠔同半條池魚既時侯再令我地r爆頭既事情就發生左！
4.無啦啦有個店員E再送多另外半條池魚過黎，我地真係再次r爆頭，因為已經係由一條變左半條，而家又變返一條，我地決定叫返店員A過黎搞清楚咩事，店員A黎到就話我地係講好左要一條，我地話係阿但頭先你地同事黎左半條我地問既時侯佢答我地係阿而家得半條，我地唔明但接受左，但而家又無啦啦黎多半條係到底發生了什麼事？之後店員A完全解釋唔到但淨係話如果我地唔想要呢半條就幫我地cancel
但真係要搞清楚唔係我地話左要之後唔要，而係你地話左一條又半條，半條又一條，搞到我好好亂
5.當初店員冇get back to我地有冇酸汁，咁果半條池魚黎到果然就唔係配酸汁，咁我地叫店員再拎比我地，店員係完全冇左件事， 一直眼見果位同事唔係忙緊的，等到我地食池魚食到一半再追問先有，再一次謐艮呢間店既同事真係唔係好輕get back返客人
6.食完生蠔，同事F幫我地執台果陣，一拎起個生蠔兜有一灘水，咁我地知佢當時清緊我地張台，冇手幫我地清理，但眼見佢事後已經忙完都真係冇意識幫我地清理，要再叫另一位同事幫手。。。。
老實講以為既員工次次都會講“唔好意思，有d溝通上既誤會或者同事忙唔記得左“ 係有禮貌既，但係真係一餐飯係要有幾多次“唔get back返我地“同“誤會“，真係食到好谷氣
咁最後都多謝餐廳係我order左一個布丁既情況下free左佢，仲要送多3個（但我地得3個人，食唔到第4個，所以有話唔需要同多謝
點解要花咁長時間寫到咁detail係因為成晚都不停黑人問號，其實都幾影響食飯心情
张贴
