Shine (已結業)

平時雖然節目唔算太多，都會出來食飯敘舊一下，當然目的地要比較方便多數人都會去到油尖旺同銅鑼灣，呢D最熱門嘅人氣開飯聖地，是日約埋好友出來一齊敘一敘，今次就去左尖沙咀呢間fusion 酒吧餐廳歡敘。菜單上有多款美食由沙律到小食以至主菜俾大家選擇唔少得有美酒品嚐睇完菜單就點了幾款人氣美食一齊品嚐，先來有北海道帶子明太子意粉配三文魚籽，賣相豐富之餘嗰陣香味特別濃厚，先食番粒鮮甜爽彈多汁嘅北海道帶子，再食番啖明太子意粉，每啖都食到明太子香甜，配上三文魚籽入口更鮮味，同時間食到各款海鮮口感十足輪到另一款係法式煎鴨胸配香橙汁，平時食開都係雞、豬、牛居多，今次就食下鴨胸肉唔知食落有冇驚喜，等左陣終於有得食開頭以為自己食緊西冷牛扒，估唔到鴨胸肉肉質咁嫩滑，油脂分佈又豐滿，啖啖肉滿口油香，用上香橙汁煎食更開胃品嚐完滋味fusion菜後，仲離不開甜品呢個環節，就點了心太軟享用，入口食到香滑又濃郁朱古力，食埋啖雲呢拿雪糕最簡單嘅甜品就最好味，歡敘時間又咁快結束。