影片
更多
2018-10-25
687 浏览
銅鑼灣 Cubus 是著名食廈，入面有接近十間食肆，而當中又以日本菜餐廳佔大多數。不過早前從朋友處得知，Cubus 最近開咗間 Fusion 餐廳，菜式非常之創意，中西薈萃，而且款款精緻吸引，配上廣角靚景，猶如置身頂級酒店般享受，推介我一定要同老公去試下。餐廳位於 Cubus 27 及 28 樓，佔地三層，27 樓係 Sports bar、而 28 樓就係 Fusion 餐廳，另外亦設有天台酒吧，而這晚我倆就被安排坐在餐廳入面最盡頭位置，旁邊設有落地大玻璃，可遠望維港景色，非常漂亮。環看四周，色調以金色為主，牆身以雲石打造，再綴以金色餐具和藍色餐巾，裝潢既獨特又高貴。向店員拿了餐牌，食物選項貴精不貴多，只有頭盤、湯羹、小菜、粉麵飯、點心及甜品幾個類別，不過飲品選擇就非常豐富，除了有咖啡、茶水、啤酒之外，還有 Cocktail、Mocktail、果汁、汽水、紅酒、白酒、香檳、威士忌等，項目十分之多。先嚟兩個頭盤做前菜，選了櫻花蝦避風塘茄子 ($88) 同手撕法國鵪鶉伴海膽汁海蜇，這道茄子同平時見慣嘅賣相好唔同，初頭還以為店員拿錯了其他客人點嘅椒鹽豆腐給我。茄子切成長條狀，炸至色澤金黃，食
銅鑼灣 Cubus 是著名食廈，入面有接近十間食肆，而當中又以日本菜餐廳佔大多數。不過早前從朋友處得知，Cubus 最近開咗間 Fusion 餐廳，菜式非常之創意，中西薈萃，而且款款精緻吸引，配上廣角靚景，猶如置身頂級酒店般享受，推介我一定要同老公去試下。
餐廳位於 Cubus 27 及 28 樓，佔地三層，27 樓係 Sports bar、而 28 樓就係 Fusion 餐廳，另外亦設有天台酒吧，而這晚我倆就被安排坐在餐廳入面最盡頭位置，旁邊設有落地大玻璃，可遠望維港景色，非常漂亮。環看四周，色調以金色為主，牆身以雲石打造，再綴以金色餐具和藍色餐巾，裝潢既獨特又高貴。
向店員拿了餐牌，食物選項貴精不貴多，只有頭盤、湯羹、小菜、粉麵飯、點心及甜品幾個類別，不過飲品選擇就非常豐富，除了有咖啡、茶水、啤酒之外，還有 Cocktail、Mocktail、果汁、汽水、紅酒、白酒、香檳、威士忌等，項目十分之多。
先嚟兩個頭盤做前菜，選了櫻花蝦避風塘茄子 ($88) 同手撕法國鵪鶉伴海膽汁海蜇，這道茄子同平時見慣嘅賣相好唔同，初頭還以為店員拿錯了其他客人點嘅椒鹽豆腐給我。茄子切成長條狀，炸至色澤金黃，食落非常香口，外脆內軟，以櫻花蝦伴吃，香氣豐足。
至於另一客冷盤手撕法國鵪鶉伴海膽汁海蜇 ($128)，據店員稱，食材選用了法國無激素鵪鶉，而底部就放了拌上海膽汁的海蜇，旁邊再圍上炸過的春卷皮。鵪鶉肉質非常鮮嫩，海蜇清脆爽口，食落無渣，加上以甘甜的海膽汁撈拌，味道清新，確實是蠻不錯的新嘗試。
湯羹揀咗金箔阿拉斯加蟹肉南瓜羹 ($168)，湯羹用上新鮮南瓜煮成，面頭再綴以蟹肉同金箔，賣相奪目，盡顯矜貴。趁熱先呷一口湯，質感比預期 creamy，反而南瓜味唔算太重，不過原來食落非常之有驚喜，湯的底部加咗蛋白，每一啖都食到嫩滑的蛋白同鮮拆蟹肉，非常滋味，集清、鮮、香於一身。
點心方面，揀咗蟹肉米網卷配秘製蟹黃醬 ($88) 同三文魚子鳳眼餃。米網卷入面釀滿蟹肉，外皮雖然略厚，但一樣脆口，一咬就碎，滿嘴油香。不過講到最特別，還是旁邊用來伴吃嘅蟹黃醬，碟上放有蟹膏、鵪鶉蛋同 Sake，店員會幫手將蟹黃醬拌勻，用嚟配米網卷食，蟹膏甘香味鮮，有點似食緊甲羅燒。
至於另一客三文魚子鳳眼餃 ($78) 亦很有水準，不僅做工精緻，味道亦相當不錯。鳳眼餃用上三款不同顏色的皮炮製，有黑色的竹炭皮、綠色的菠菜皮和普通的白色皮，各具特色，加上入面彈牙的蝦肉同頂頭晶瑩剔透的三文魚子，吃起來啖啖鮮味。
粉麵方面，揀咗廚師推介的黑松露海皇鮑汁燴米型粉 ($188) 同盆曬生抽乾炒安格斯牛河。意大利米形粉外形非常特別，驟眼看還以為是意大利飯，但質感比起 risotto 更滑，加上以中式風格用鮑汁燴煮，配埋入面的粒粒帶子同蝦肉，再伴以黑松露醬，中西合壁，口感非常豐富。
至於另一客盆曬生抽乾炒安格斯牛河 ($168) 亦頗有驚喜，河粉用頭抽嚟炒，鑊氣十足，加上醬油平均地沾在河粉上，食落腍滑有米香。牛肉厚身大片，纖維細軟，食落有牛味，夠腍又有嚼勁，連芽菜亦炒得甚爽口，好味。
飲品方面，由於大家都不勝酒力，所以就一人揀咗一杯 Mocktail，選了 Fairy Green ($68 HH、$88NH) 及 Wildberry Dream ($68 HH、$88NH) 各一。蘋果梳打加咗一片青瓜做陪襯，入口啖啖清爽醒神；而橙紅色的野莓梳打就用上藍莓、紅桑子同紅莓等炮製，賣相非常討好，味道微酸，既開胃又解渴，清新怡人，飲完簡直透心涼。
下次有時間，要約埋班朋友過嚟聚下，食完飯仲可以上去天台酒吧飲下野吹下水，這裡地方非常寬闊，裝潢乾淨舒適，景觀又夠開揚，好適合同朋友嚟摸下酒杯底。
张贴
