影片
更多
2020-03-11
229 浏览
搭電車去到銅灣富豪香港酒店附近落車，左逛右逛，最後來到糖街。記得之前看過食評，提到這裡有間叫「班蘭葉」的印尼餐廳，食物地道又正宗，就去吃個略早的晚餐。餐廳門口設有食物櫃，內裡擺滿店舖自家製嘅印尼小食同糕點，一陣食完飯仲可以外賣兩件回家做宵夜。估唔到入面環境都唔錯，雖然面積不大，但布置好清新簡潔，俾人一種好舒服悠閒嘅感覺。餐桌和餐椅均以木製，牆上掛滿了食物照片和一些印尼飾物，裝修具熱帶風情。先睇下餐牌，以小店嚟講，呢間餐廳嘅食物款式都算幾多，而價錢以銅鑼灣地舖來說，亦算抵食。我哋揀左一客串燒沙嗲、雜菜炸乳鴿飯同花膠湯粉皮。沙嗲串燒有牛、羊、雞、虎蝦、墨魚丸、大蘑菇等可供選擇。點左白鱔沙嗲 ($98)，串燒即叫即燒，送上來時還不斷傳出陣陣香氣，令人垂涎欲滴。白鱔肉質鮮嫩有彈性，魚肉滑溜，而且燒得好香，啖啖肉又無骨，加上惹味的沙嗲，味道一流！雜菜炸乳鴿飯 ($98)：港式炸乳鴿就食得多，但印尼煮法嘅炸乳鴿真係第一次試。隻乳鴿體型雖然唔大，但味道真係唔錯，外皮炸至酥脆金黃，肉質美味鮮甜，能嚐到鴿肉的肉香，而且肉汁豐富，完全沒半點渣。旁邊的炸豆腐食味亦不俗， 雖然沒有餡料，但豆味香濃，具嚼勁。呢
搭電車去到銅灣富豪香港酒店附近落車，左逛右逛，最後來到糖街。記得之前看過食評，提到這裡有間叫「班蘭葉」的印尼餐廳，食物地道又正宗，就去吃個略早的晚餐。
餐廳門口設有食物櫃，內裡擺滿店舖自家製嘅印尼小食同糕點，一陣食完飯仲可以外賣兩件回家做宵夜。
估唔到入面環境都唔錯，雖然面積不大，但布置好清新簡潔，俾人一種好舒服悠閒嘅感覺。餐桌和餐椅均以木製，牆上掛滿了食物照片和一些印尼飾物，裝修具熱帶風情。
先睇下餐牌，以小店嚟講，呢間餐廳嘅食物款式都算幾多，而價錢以銅鑼灣地舖來說，亦算抵食。
我哋揀左一客串燒沙嗲、雜菜炸乳鴿飯同花膠湯粉皮。沙嗲串燒有牛、羊、雞、虎蝦、墨魚丸、大蘑菇等可供選擇。點左白鱔沙嗲 ($98)，串燒即叫即燒，送上來時還不斷傳出陣陣香氣，令人垂涎欲滴。白鱔肉質鮮嫩有彈性，魚肉滑溜，而且燒得好香，啖啖肉又無骨，加上惹味的沙嗲，味道一流！
雜菜炸乳鴿飯 ($98)：港式炸乳鴿就食得多，但印尼煮法嘅炸乳鴿真係第一次試。隻乳鴿體型雖然唔大，但味道真係唔錯，外皮炸至酥脆金黃，肉質美味鮮甜，能嚐到鴿肉的肉香，而且肉汁豐富，完全沒半點渣。旁邊的炸豆腐食味亦不俗， 雖然沒有餡料，但豆味香濃，具嚼勁。
呢個原條魚花膠湯粉皮 ($78) 係店員推介嘅，聽講個湯底係用左響螺頭、大地魚、花膠同鮮雞等熬製，完全無落味精。湯底充滿膠質，入口鮮甜滋潤；花膠大大塊，食落黏口；粉皮雪白滑溜，用料十足。 炸魚原條送上，口感香脆又保留到魚嘅鮮味，值得一讚！
天寒地凍，揀番兩杯熱飲暖下身，點左鮮奶薑蜜 ($28) 同薑檸蜜 ($28)。兩杯飲品送上時仍熱辣辣，入口有好明顯濃烈的薑味，肉眼可以見有很多薑片在杯底，前者既有奶香又有薑香；而後者酸甜度亦很平衡，微辛滋潤。
张贴
