翟道翟

平時幫襯開駿業街分店 嗰間好好食 服務一流，但咁啱佢地無開鋪，查google maps見2、3個街口外有呢間分店 睇餐牌又一模一樣 所以就試下。
首先，有位着紫色制服 極短頭髮既中年先生服務＆語氣超級冷淡 講野無尾音der, 只能話 唯一安慰係佢無黑面囉 所以我唔可以話佢態度差既，但唔會想再幫襯第2次再遇到佢囉，駿業街分店既伙記對比呢位先生 簡直可以用熱情殷勤嚟形容。
然後，點3樣餸得碟炭燒豬肋骨好食，第1碟牛太咸 但第3碟金邊粉竟然無味，唔知呢間廚房發生咩事。
結論係，翟道翟 我從此只會幫襯駿業街嗰間，如果嗰間分店休息，情願去食第樣菜。

唔好睇佢咁有色，無味der，我要加辣椒醬 同行朋友要加魚露先夠味

呢餐最好味呢碟，好香炭燒味，肉好林

啲牛肉yip到超級咸 而且件件有筋 咬唔到