翟道翟

营业中

休息中

話說今日返完教會好肚餓，落樓就見到呢間餐廳立刻去醫肚先。睇完個餐牌叫咗個豬頸肉船河，個湯底好濃豬頸肉好腍，河粉好滑，正👍有驚喜，冇諗過佢咁好食跟餐叫咗個熱泰式奶茶，都算正宗。跟住加咗個蝦餅食，佢新鮮炸起。熱辣辣配埋個甜辣醬好好食。lunch都係+20幾蚊就有，抵食。餐廳環境幾闊落，坐得幾舒服，約埋老友一齊開飯好啱

今晚喺呢一間泰國餐廳度食嘢，入場時出示OpenRice出席二維碼，有一個四眼中年嘅職員，沒有主動掃我二維碼之後安排我入座，同一個服務員在點餐的時候沒有面容，沒有對話態度惡劣，用餐中段時間收咗我的綠色調味樽，佢攞走係我搭筷子的筷子上面取走，他的手差不多掂到我的鼻，之後我見佢在場中行兜轉來回幾次手上並沒有任何工作沒有餐碟，都沒有將調味樽還給我，當我大聲問佢我個調味樽，佢回覆等一等加緊，晚市時根本成個場都沒有幾張桌，佢好頻密在我的枱上把可以收的餐具都收晒！這個中年男人是佩戴眼鏡，我查詢該男子的職位，原來他是當值經理！🔥🔥🔥我好肯定一樣嘢，我係絕對唔會再到此餐廳光顧！因為態度十分之極度惡劣！😡😡😡

之前係觀塘番工成日都會黎幫趁佢，最近聽舊同事講佢搬左鋪，大左又靚左，甘當然要黎試下佢啦！炭烤沙嗲，叫左雞肉同埋牛肉串，水準依然keep 到，雞肉夠曬嫩滑而牛肉好香好多汁，點埋配送既沙爹醬黎食真係正， 好味！泰式鮮蝦炒金邊粉，黎依度必點既菜色！炒金邊粉有大大隻鮮蝦，新鮮彈牙，而金邊粉吸曬味，甜甜地酸酸地非常開胃。青咖喱椰汁雞肉，可以講係我最中意既菜色！青咖哩加左椰奶，湯汁濃郁，雞肉嫩滑，撈飯食一流！今次叫左薄餅配黎食，薄餅香脆可口，外薄內厚， 可以好完美地掛上青咖哩汁，依個配搭100分！馬拉盞炒空心菜， 醬汁係大量蝦醬加上少少辣醬，炒到有鍋氣非常惹味 ，香辣開胃，而空心菜口感爽脆，真係一啖接一啖好pk就依完！當然熱泰式奶茶同埋芒果沙冰都係my favourite! 識點一定要點！整體黎講環境靚左坐位都適服左，最緊要食物水準依然keep 到，一定會再黎。

我同朋友好鍾意黎呢間泰國餐廳食泰國菜，因為價錢唔算貴，又有質素，我哋好鍾意食佢嘅生菜包，我哋唔係食得好辣，我哋揀咗小辣，另外叫咗個泰式拼盤，同埋咖喱牛肉加薄餅，兩個人食三款菜已經好飽，咖喱好香，又唔辣，薄餅好鬆脆，配埋咖喱汁一流，而餐廳入面又大間，啲位又坐得舒服，值得再嚟。

接近2點一個去食，成間餐廳已經冇乜人，剩返大把卡位，竟然都要我搭枱坐喺四人枱剩返嗰一個位，咁嘅服務明白點解冇人留喺香港食嘢。食物點好食都冇用，真係試都唔使試，即時起身走人。

之前吃過巧明街的翟道翟， 打算再光顧， 竟然收到他執笠的消息，所以轉軚到新店來，意外發現，新的還比舊更好。特別推介，炭燒豬頸肉，肉質香嫩可口，配搭傳統的豬頸肉汁，食完一客再叫一客。串燒也很有水準， 不論是豬，雞，牛都好吃。柚子沙律勁多柚子，配料新鮮，可惜醬汁太多。生蝦刺身，新鮮爽甜。 我們還點了菠蘿飯和泰式炒河，還有馬拉盞炒通菜。每個出品都很好有水準。餐廳環境寬闊，不用等位，服務員態度殷勤，加上這裏價錢公道，絕對會再來。

有一年多沒有去泰國，十分想念泰國的食物，前兩天（21/9/2024）要去牛頭角領取物品，路過Eastcore，見到一餐廳名很有感覺，次次去泰國都會去翟道翟食下野，剛巧下着雨，便來這裡食個下午茶，避下雨。這餐廳很寬闊，進入時，只有幾枱客，未知是否下雨天，地下十分跣腳，要小心。下來茶價錢合理，點了2份下午茶鮮蝦炒金邊粉~金邊粉較硬些泰式牛肉炒河粉~好好食，牛肉份量很足，味道不錯泰式奶茶很有味道這食店要記住，下次可來試下晚餐。

⭐️炭烤松阪豬頸肉：豬頸肉經炭火慢烤，外脆內嫩，味道特別香濃。加上獨特嘅泰式調味料，令每一口都充滿層次感，極度推介。⭐️乾炒雞河：乾炒雞河係泰國街頭嘅常見美食，係香港都食到泰國既味道，炒出嚟嘅河粉滑順入味，雞肉粒粒分明，色香味俱全。⭐️椰香斑蘭千層糕：呢款甜品層層分明，每一層都有好香嘅斑蘭香味。而且千層糕上業先係熱既，食落椰香味濃郁，口感柔滑⭐️凍泰式奶茶：泰式奶茶色澤濃郁，茶香同奶香完美融合，非常適合咁熱既天氣飲用。

天氣炎熱無胃口，最適合吃泰菜醒胃；友人說觀塘其實泰菜選擇不算多，不過還好也有性價比高的選擇朋友推介下來到Eastcore 翟道翟，地點方便及寬敞，因為觀塘地小人多，有些餐廳真是很迫，但這間真的闊落坐得舒服而且光猛；裝修畫像都很泰式風情菜式選擇不少，餐牌很厚，一般想吃的泰菜甜品飲品都有，而且價錢合理🌺柚子鮮蝦沙律柚子汁酸酸甜甜，配合椰絲花生等香料撈起，零舍開胃🌺泰酸辣豬頸肉沙律豬頸肉燒得很香口，沙律汁有新鮮洋蔥蒜等微辣口味，清新又醒神🌺炭烤沙嗲串拼盤這個又是泰式小食的其中一個最愛，很香的炭燒味，有着正宗泰國炭燒爐的口味，雞肉串不肥膩但嫩口，配合沙嗲醬拌飯也不錯🌺焗肉蟹粉絲煲首先蟹也很有份量，巨型蟹鉗肉非常多，另外粉絲一點也不乾沒有黐底，吸收了蟹的精華，而且喜愛它重胡椒味道及混合了泰式香草味道🌺原個菠蘿海鮮炒飯這是正宗傳統的菠蘿炒飯，海鮮用料十足，有鮮蝦魷魚青口等，再加上腰果果仁有咬口，當然不少得菠蘿吊味，如果多一些菠蘿更好🌺羅望香葉燒雞半隻香料醃製香味濃郁，雞不肥膩，雞皮燒至金黃色🌺泰酸辣生蝦沙律泰式虎蝦新鮮，肉質晶瑩剔透有彈性，配合醬汁蒜粒青檸辣椒，又是夏天的特色菜🎉最後還有開心大發現

位於觀塘既「翟道翟✨」,絕對係你尋覓泰國菜嘅必到之選!🤩 呢間餐廳由正宗泰國廚師主理,菜式正宗夠好味,完全俾你感受到泰式風味。首先推介嘅就係「清邁辣肉碎生菜包」🌶️。肉碎嘅辣度剛剛好,配合新鮮嘅生菜,既開胃又健康,完全唔會感到膩口。香口嘅肉碎配上新鮮嘅生菜,絕對係一絕妙組合。另外,「濕炒牛肉河粉」🍜都係我喜愛嘅一道主食。河粉Q彈爽口,有口感嘅牛肉充滿了泰式特有嘅香料氣息,滋味無比。「青咖哩雞配薄餅」🍛就係正宗泰國菜嘅經典代表之作。濃郁香滑嘅青咖哩配上Q彈嘅薄餅,互相襯托,簡直就係絕配!🤤最後要推薦小食係「香茅雞翼」🍗。軟嫩多汁嘅雞翼,散發著濃郁嘅香茅香氣,絕對係泰式風味嘅精髓所在。總括嚟講,「翟道翟✨」絕對係尋覓正宗泰國菜嘅不二之選!由於菜式正宗又夠味,更配合着優質的服務,令你完全融入咗泰式風情之中。👍

這間食泰菜的翟道翟環境闊落舒服，食物選擇頗多，價錢合理，晚上7點已爆場。炭燒沙嗲豬$38/2 串，一上枱已聞到炭香味道，豬肉又不會燒得太乾身，重點個沙嗲醬好惹味。冬蔭鮮蝦炒飯，大大碟都只是$92, 足夠兩個人享用，炒得乾身不油膩，冬蔭味道不會太辣，食到啖啖香茅味，頗為惹味開胃，飯面舖上數隻爽口彈牙的鮮蝦，賣相加分。外邊有時食炒芥蘭會到苦味，但這裡卻沒有，還炒得脆綠爽甜，咸咸香香很惹味。最後埋單兩個人$200，會再回頭。

聽聞呢度鑊氣好又抵食，朋友升職特登過咗尼呢間慶祝💙一入到去地方好大吓位置幾多，坐得都舒服😉泰酸辣生蝦6隻（$118）好新鮮，唔會食到雪藏味，點埋附送嘅酸辣汁食酸酸甜甜清涼解暑，夏天最啱點呢個濕炒牛河（$82）一入口就feel到獲氣好足！份量好大，牛肉夾極都仲有吾會好韌😗河粉根根分明唔會黐埋一齊，好滑好吸汁又入味，兩個人食呢個做主食都已經好夠蒜蓉包4件 （$38）友人極力推介呢一個！真係冇介紹錯，可以成為蒜蓉包嘅top3！一上枱已經聞到好香，牛油蒜蓉味好重！烤得岩岩好，食落去好香口☺️每一啖都係濃濃既蒜蓉，食咗幾塊都仲想食！重點係我地傾咗半個中計，佢就算凍咗都好好食！炭燒清邁香茅香腸2件 （$52）有啲食台灣腸既感覺，出面嘅腸衣脆卜卜，咬入去爆汁🤲🏻香茅真係落咗好多，仲有食到d甜甜地泰國限定既香料味，入面肥豬肉偏多

📍🐈 翟道翟 Tuk Tuk -觀塘🐈‍⬛📍鋪位非常寬敞 就算傾偈都唔會好迫但googlemap 定位有啲唔啱所以就搵咗一陣🌝燒豬頸肉泰式沙律 $88豬頸肉份量超多‼️雖然溝埋其他泰式沙律汁，但仍然保持到香烤味😻作為飽肚，又有份量嘅開胃前菜😗蠔仔炒蛋 $108成個巨型到好似Pizza咁🤣兩個人係完全食唔晒‼️蠔仔份量多，而且都非常香口😻略嫌係比較油咗少少椰汁嫩雞湯 $78除咗例牌冬陰功湯之外依個椰汁雞都幾吸引😜可以平衡一下泰國嘅辣嘢入邊嘅雞柳份量亦都好滑好多三四個人飲都好ok😆泰式香葉炒飯 $82通常食泰國嘢都會嗌呢個😽炒得乾身，而且唔會油就係平時要有嘅味道爭咁隻燶邊荷包蛋🤭一 🚏 翟道翟 Tuk Tuk (觀塘)觀塘駿業街56號中海日升中心1樓A號舖

係3樓搞完傢俱，拎住成袋野，諗住近近地係呢幢大廈食埋先走。望下水牌見1樓有呢間泰菜館。地方寬敞，多卡坐，放埋袋野都坐得舒服，四周佈置都有泰式風情。靚靚泰式餐具，泰國人主理，食物選擇種類都幾多，仲有多款人氣必選菜式推介。打頭陣黎個開胃沙律，鍾意食海產類可叫呢個泰酸辣魷魚沙律 ($96)。沙律底用上紫洋蔥，蔥芹，青瓜及車厘茄，多種顏色吸引。魷魚份量超多，軟腍易食，成個沙律淋上酸辣醬汁，惹人胃口。泰版”偷飯賊”出場……………………香辣黃咖喱牛腩 ($118)。仲有薯仔，彩椒及洋蔥作配菜。牛腩炆得夠腍，無多餘脂肪，但入口唔會”痴”牙。個黃咖喱確係幾香，辣度再加多少少就仲惹味，用黎撈飯，好快就幹掉半碗。只有食泰菜時先叫嘅椰菜苗，今晚用豆醬炒椰菜苗 ($88)。開初以為真係一個個”波波仔”咁，上枱時係一條條嘅。用豆醬炒加埋辣椒，帶少少辣度，每條食起黎無渣，味道唔會過咸。壓軸出場嘅係羅望香葉燒鷄 ($138/半隻)，放上枱未食已經聞到香味。半隻份量相當對眼，入口熱辣辣，皮脆肉嫩，就算係鷄胸肉都唔會嚡乾。點埋個甜辣鷄醬食就仲岩味道。呢度仲有傳統泰式甜品如芒果糯米飯，泰式糕點等，但今次實在太飽，留待下次

觀塘泰菜唔多依間都唔錯。餐廳地方闊落，環境舒適乾淨，安排卡位坐得舒適，以佛系佈置，份外有泰式風情。價錢都算親民，餐牌菜式選擇甚多，食物正常發揮，飲品好好飲。炭烤沙嗲串拼盤 $108雞、牛、豬各兩串。有少許炭燒香，惹味的沙嗲醬給矛串燒靈魂，味道唔錯。雞串大件啖啖肉口感，牛串唔乾唔韌有牛味，豬串充滿香茅味當中最好食。清邁醃蟹仔青木瓜沙律 $82青木瓜口感爽脆，個汁酸甜美味，辣度揀了小辣，有少許泰式生醃蟹加持下，多份鹹鮮味。鹹甜酸辣味道豐富，好味。泰式鮮蝦炒金邊粉 $92金邊粉份量幾足，味道甜酸，口感煙韌條條分明，炒得唔乾偏濕，放耐了唔會痴埋一舊，大蝦新鮮彈牙，配料足豆腐乾、芽菜、韭菜和雞蛋皆見，整體唔錯。珍多冰 $28啖啖椰香，珍多爽滑口感唔錯。菠蘿沙冰 $48沙冰幼滑夠凍大杯，鮮菠蘿味道香甜，好飲。