一入門口就見到好靚既裝修，有別訴一般火鍋店果啲卡位，工業風加好多香港特色，全部都播緊耳熟能詳既廣東歌
坐低左經理就過黎招呼，又推薦我地食咩部位最好，最後就信佢先點左個雞湯$38（未見過咁平），再點左個羊肉拼盤，個拼盤一上場全部人都即刻狂影相，出晒煙好靚
拼盤入面有羊上腦，高鈣肉，後腿肉，羊尾巴，百日羔羊，最好食係羊上腦，真係入口唔臊仲有淡淡奶香味！而羊尾巴都好特別，全白色既油脂
，唔會有油既感覺，又爽爽口口咁超好味最後唔夠食，再單點多一輪羊上腦同埋高鈣肉！
4個人埋單$1200左右，食到又暖又飽落樓，服務都唔錯，經理時不時會招呼一齊飲兩啖吹水問意見
如果鐘意食羊既人，我相信試一次之後一定會回頭！
1
