百味堂 (已結業)

今日下午见到百味堂，咁啱想食雪糕，所以就叫咗个咖啡雪糕，$78 ，其实都几贵。一攞上手，有少少吓亲，因为雪糕好似得好少，我知有一部份浸左系咖啡里面，但收$78个份量真系有啲少，雪糕比较稀，云呢拿味就几好味，感觉好似唔够冻唔够凝固咁样，有啲似流动雪糕车啲雪糕嘅感觉，雪糕太稀唔够冻咁样。攞咗雪糕之后，就揾个位坐低食，地方都算几干净，而我食嘅时间大概四点到，全场都冇人，可能系疫情影响挂，但感觉好似系街咁。总括来讲，除非真系好想食，如果唔系下次都唔会选择食了。