影片
更多
2019-07-16
66 浏览
朋友好鍾意飲咖啡，知道佐敦呢度有間咖啡店既咖啡師技術高超，攞好多獎，今日同我一齊慕名而黎拜訪一下。原來呢度除左咖啡仲有好多野食。<超級全日早餐> ($115)有成十二樣食物既all day breakfast！除左常客炒蛋、焗豆、煙肉、肉腸、包之外，仲有黑松露薯蓉、大蘑菇、煙三文魚、提子、紅黃車厘茄、煙燻黑椒牛肉、生菜！個生菜預拌沙律醋，酸甜可口。黃車厘茄比較少見，食落好似比紅車厘茄甜少少。超鍾意個黑松露薯蓉啊，唔算落得太多奶，松露味超出啊。<手撕豬肉配西班牙風味辣醬扁意粉> ($95)望住一團手撕豬肉已經超吸引。個西班牙醬辣中帶甜，有啲焦糖化洋蔥，我真係超鍾意，我朋友平時唔係幾食辣所以就覺得有啲太辣喇。<榛子朱古力> ($50)飲品有分M同L，朋友就揀左L。拉花超靚啊係龍貓！我都試左啖，超有榛子味！<Pour-over> ($68)重頭戲係呢個filter咖啡。呢度有呢度自己係柴灣工廠生產既咖啡豆，仲有韓國產既咖啡豆。我就揀左來自盛產味道偏向fruity既埃塞俄比亞既Sidama。呢隻咖啡豆用左Carbonic方法整，顧
<超級全日早餐> ($115)
有成十二樣食物既all day breakfast！除左常客炒蛋、焗豆、煙肉、肉腸、包之外，仲有黑松露薯蓉、大蘑菇、煙三文魚、提子、紅黃車厘茄、煙燻黑椒牛肉、生菜！個生菜預拌沙律醋，酸甜可口。
黃車厘茄比較少見，食落好似比紅車厘茄甜少少。超鍾意個黑松露薯蓉啊，唔算落得太多奶，松露味超出啊。
<手撕豬肉配西班牙風味辣醬扁意粉> ($95)
望住一團手撕豬肉已經超吸引。
個西班牙醬辣中帶甜，有啲焦糖化洋蔥，我真係超鍾意，我朋友平時唔係幾食辣所以就覺得有啲太辣喇。
<榛子朱古力> ($50)
飲品有分M同L，朋友就揀左L。拉花超靚啊係龍貓！我都試左啖，超有榛子味！
<Pour-over> ($68)
重頭戲係呢個filter咖啡。呢度有呢度自己係柴灣工廠生產既咖啡豆，仲有韓國產既咖啡豆。我就揀左來自盛產味道偏向fruity既埃塞俄比亞既Sidama。
呢隻咖啡豆用左Carbonic方法整，顧名思義係將咖啡豆放係高二氧化碳既環境處理，可以防止咖啡豆過度氧化，破壞曬咁好既材料啊。咖啡師Owen開始表演pour-over喇。首先將過濾紙整濕，然後就一路用打圈方法倒啲咖啡落去。
要細心品嚐呢度咁好既咖啡，就梗係要用最好既方法。
Owen細心講解，呢度有兩種杯，一種個口係細啲，所以咖啡香會集中個鼻，而飲入口亦會集中條脷中央，即係最多甜味味蕾既位置，咁樣飲，咖啡既甜味會被放大。
而大口啲果隻杯，就係將香味同味道都更平均地入口，更會覆蓋條脷兩側既味蕾，即係酸味味蕾既位置，令整體味道入口更平均。
呢款咖啡熱既時候會比較甜同埋花香較重，涼少少之後就會酸味較重。
而我跟住Owen既講解去試，又真係比我試到用兩隻唔同既杯既分別！頓時覺得好神奇啊！
今日真係學到野啊，學到好多有關咖啡既知識。
张贴
