影片
更多
2021-10-28
212 浏览
厨师团队会致力将呢个特别用餐体验方式带返店铺，将咖啡作为食材原料之一，令大家感受个中滋味同时理解咖啡粉之可塑性]经过上次于Nutmad@PMQ Coffee Agenda既一人餐室体验后，得知佢地除左尝试将中餐与咖啡一齐体验外，厨师团队亦尝试将咖啡代入食材既原材料之一，希望可以为大家带黎美食品尝上既新冲击。 虽然味觉之旅既名额非常抢手，但小编与老公都刚好抢得一席位，一齐去感受呢个味觉上既新感觉。响上菜前，Nutmad既大厨Joe为大家介绍既味觉之旅既内容，佢会利用1款前菜﹑1款主菜﹑1款甜品﹑以及1款特饮去带出咖啡既特别之处。餐单内所有食材其实都系香港人日常都会品尝到既菜式，但正正大家都习惯相关味道后，当某种成份转为咖啡粉个阵，整个味道又会变成点呢？ 而团队亦尝试避免利用咖啡豆作为材料，以避免咖啡豆过度煮熟后而带出过多既酸味，令大家只会有苦或酸既感觉。前菜：咖啡鱼蓉烧卖 - 相信大家包括都唔会相信咖啡与烧卖之间既关系，厨师利用耶加雪夫咖啡粉代替胡椒粉，将烧卖当中70%以上既鱼肉味道带出，而同时因为咖啡粉既花香而令鱼腥味降低，食落去唔似平时烧卖利用猪肉或者打胶既鱼肉既实或黏，反而会有真正
经过上次于Nutmad@PMQ Coffee Agenda既一人餐室体验后，得知佢地除左尝试将中餐与咖啡一齐体验外，厨师团队亦尝试将咖啡代入食材既原材料之一，希望可以为大家带黎美食品尝上既新冲击。 虽然味觉之旅既名额非常抢手，但小编与老公都刚好抢得一席位，一齐去感受呢个味觉上既新感觉。
响上菜前，Nutmad既大厨Joe为大家介绍既味觉之旅既内容，佢会利用1款前菜﹑1款主菜﹑1款甜品﹑以及1款特饮去带出咖啡既特别之处。餐单内所有食材其实都系香港人日常都会品尝到既菜式，但正正大家都习惯相关味道后，当某种成份转为咖啡粉个阵，整个味道又会变成点呢？ 而团队亦尝试避免利用咖啡豆作为材料，以避免咖啡豆过度煮熟后而带出过多既酸味，令大家只会有苦或酸既感觉。前菜：咖啡鱼蓉烧卖 - 相信大家包括都唔会相信咖啡与烧卖之间既关系，厨师利用耶加雪夫咖啡粉代替胡椒粉，将烧卖当中70%以上既鱼肉味道带出，而同时因为咖啡粉既花香而令鱼腥味降低，食落去唔似平时烧卖利用猪肉或者打胶既鱼肉既实或黏，反而会有真正鱼肉既滑而唔会食到太强咖啡味。至于伴随烧卖既酱汁，团队利用自家Espresso咖啡粉，再落少少辣椒粉﹑大豆﹑南乳味等等物料去发酵，味道顿时摇身一变成为海鲜酱既豉油风味，呢个系小编非常有惊喜既菜色。 (希望烧卖关注组既朋友都会留意到而联络下大厨推出产品既可能性吧)
特饮：洛神花气泡咖啡 - 本身系酸性比较重但非常有益既洛神花茶，利用气泡及Espresso带出甜酸感既风味。大厨都温馨提醒我地要慢慢倒入气泡内，咁样就可以更加保留到咖啡冲出黎既气泡感。
主菜：咖啡香料烧猪腩 - 一般大家听到烧猪腩都会联想到烧烤﹑肥美﹑脆口等等既形容词。厨师团队将烧猪腩所用既五香粉换成咖啡香料，既唔会令猪腩原本既味道流失﹑亦唔会因为部分五香粉既椒味而抢走食物原味﹑同时烧出黎会有烟薰既味道出现；猪腩亦为左唔会太干身而会先蒸熟﹑再用自家既咖啡粉﹑丁香﹑失角﹑粉红胡椒等等腌制，再风干，然后先去烧熟。食落去个块猪皮非常脆口，切割个阵飞出既粉末仲以为系烧㶶既粉末个阵，原来系咖啡粉! 肉质好淋，绝对做到外脆内软既感觉。
而至于酱汁都系用上Espresso粉，配合蜜糖芥末酱，令你有少少芥辣味道得黎因为咖啡既苦感又唔会太有油腻既感觉。
甜品：咖啡牛油菠萝泡芙 - 究竟菠萝泡芙既意思系咩？其实就系大家好常见既港式菠萝油! 但为免客人食一般既菠萝饱会过份饱肚，厨师特意将菠萝饱原理应用于泡芙上。而当中两款外观非常相近既「菠萝油」其实都大有学问 - 一款系利用椰子油﹑橄榄油，配合咖啡粉去带出花香同烟薰味；另一款就系响意大利手造雪糕内加入咖啡粉，造成类似油块既效果。两款食落去会有冰冻既效果，但又唔会响口腔内有过多既油而令你觉得唔舒服。万一有呢个感觉既话，就可以尝试利用浸过柠蜜既菠萝粒去中和一下。
整个味觉之选既体验非常惊喜，当大家将享用开既食物既其中1样材料转成咖啡个阵，原来味道上都可以做到类似既效果，甚至会比原本既食材更健康﹑更有层次，期待Nutmad响未来会有更多特式咖啡食材既菜式可以响观塘店出现吧!
继上次一个人原来都可以尽兴后，今次就系：咖啡原来都可以有咁多层次!
张贴
