JIKKA

营业中

休息中

觀塘工業區搵食一遊，誠意熱狗加蘋果檸檬烤雞。先講熱狗，Menu有經典狗、蝦霸狗、蟹霸狗，友人推薦試蝦霸狗，麵包上面啲芝麻烤到脆卜卜，配埋蝦肉香腸同醬汁好正。另外個烤雞真的不得了，蘋果檸檬呢個配搭令到雞肉唔老仲保留勁多肉汁，連雞入面個蘋果都好似燉蘋果咁好好味，做到雞肉有蘋果味，蘋果有雞肉味，友人仲介紹如果外埋回家都仲係嫩滑好味。另外仲有沙律同洋蔥湯，個洋蔥湯洋蔥多到啖啖都有洋蔥，令到個湯勁鮮甜。除咗野食，果汁同咖啡都好高質，店主對咖啡有要求。選用靚咖啡豆，此外店肉亦有滴漏咖啡杯賣，啡友可以黎研究下。另外可以試吓佢個甘荀橙汁，呢個配搭新鮮健康之選。順帶一提，呢間係寵物有善餐廳，有毛孩餐單，可以帶埋毛孩一齊嚟食嘢。