影片
更多
2022-01-26
63 浏览
一講黑門就好自然諗起大阪嘅黑門市場，入到餐廳見到裝修已經好有日本居酒屋嘅風格，好似返咗鄉下嘅感覺。店員上菜又會介紹食物，又會協助濱燒甲羅燒，感覺好親切。黑門令大漁魚子醬脆脆包 $156/2一黎到嘩咗一聲，魚生嘅種類好多，最低層係好脆嘅脆脆包，再係上面鋪上一層吞拿魚蓉，然後就係海膽、魚子醬、酒清甘蝦刺身、魚子、蟹子、魚干。一啖咬落去鮮味係嘴裡面爆發出黎，真心好好食，大力推介。花酒漬甘蝦刺身(6切) $108 +三文魚刺身(4切) $58酒漬甘蝦刺身比較少見，酒漬過嘅肉質仍然保持到，味道除咗蝦嘅鮮甜味，再加多陣花哂嘅酒香，蝦頭嘅蝦膏同花酒混合埋一陣，味道更加濃郁。三文魚刺身好厚，啖啖肉，但魚肉同魚脂比例好好，唔會食到好漏。黑門令蟹味噌甲羅燒 $72甲羅燒係日本濱燒美食，即係係岸邊即捕即食，而甲羅燒用蟹嘅蟹殼做碗，裝住蟹膏、蟹肉一齊燒，再加上鵪鶉蛋、蔥花等材料，味道相好惹味，店員會幫忙燒，配上餅乾一齊好好味，加上炸蒜更加香口。牛油燒帆立貝 $72店員會協助我地燒好，帆立貝同牛油一齊燒味道更加香濃，肉質嫩滑，食落好鮮甜。黑門令龍蝦湯煮海鮮 $88龍蝦湯好濃郁，材料都相當豐富，有蝦、魷魚、螺等等
黑門令大漁魚子醬脆脆包 $156/2
一黎到嘩咗一聲，魚生嘅種類好多，最低層係好脆嘅脆脆包，再係上面鋪上一層吞拿魚蓉，然後就係海膽、魚子醬、酒清甘蝦刺身、魚子、蟹子、魚干。一啖咬落去鮮味係嘴裡面爆發出黎，真心好好食，大力推介。
花酒漬甘蝦刺身(6切) $108 +
三文魚刺身(4切) $58
酒漬甘蝦刺身比較少見，酒漬過嘅肉質仍然保持到，味道除咗蝦嘅鮮甜味，再加多陣花哂嘅酒香，蝦頭嘅蝦膏同花酒混合埋一陣，味道更加濃郁。三文魚刺身好厚，啖啖肉，但魚肉同魚脂比例好好，唔會食到好漏。
黑門令蟹味噌甲羅燒 $72
甲羅燒係日本濱燒美食，即係係岸邊即捕即食，而甲羅燒用蟹嘅蟹殼做碗，裝住蟹膏、蟹肉一齊燒，再加上鵪鶉蛋、蔥花等材料，味道相好惹味，店員會幫忙燒，配上餅乾一齊好好味，加上炸蒜更加香口。
牛油燒帆立貝 $72
店員會協助我地燒好，帆立貝同牛油一齊燒味道更加香濃，肉質嫩滑，食落好鮮甜。
黑門令龍蝦湯煮海鮮 $88
龍蝦湯好濃郁，材料都相當豐富，有蝦、魷魚、螺等等嘅海鮮，連埋金菇、冬菇、芋絲一齊燒熱，食材吸收哂龍蝦湯，食到停唔到。
赤鬼海老天反卷 $158
卷物舖面蟹子，卷住非常香脆嘅炸海老，再加上魚子，睇落已經好吸引，食落最驚喜係用上橙芥末醬，有別於平時嘅沙律，就唔會太甜太漏啦，好有心思。
脆燒白穴子串 $98
白穴子肉質比較結實彈牙，魚皮燒到香脆，再灑上香料，食落又脆又彈牙土。
海底之心 $68 + 柚子生啤 $68
海底之心調製隻色好靚，忍唔住用黎打卡呃下like，基酒用vodka，混埋菠蘿、白桃汁同Soda，再溝埋藍色糖漿製成，唔會太重酒味。生啤加上柚子肉，飲落好香柚子味同甜甜地，同樣酒味都唔知太重，怕酒嘅苦澀味都好啱飲。
张贴
