鉄人旨花

营业中

休息中

今日同朋友興致勃勃去左銅鑼灣新開一日日本餐廳食鐵板燒。呢度裝修格局都好靚，感覺整潔而且和風特色感覺置身於日本一樣。我地點左個伊勢海老日本燒，手作前菜好精美，然後再嚟個汁煮東星斑，廚師好細心咁煎起咗塊魚皮，整個湯非常鮮甜而且魚皮好脆。然後主菜就係海膽汁煮龍蝦，龍蝦非常新鮮，配上海膽汁簡直係無敵，又香又爽口。之後再嚟一個熊本縣產A5和王牛，原來和王牛同平時食開嘅和牛係有分別嫁，肉質鮮甜，比較易咬，其實食完呢個已經好飽。再黎埋個和牛炒飯，好足料啖啖肉，清酒煮蜆味重，好香酒同蜆味，平時鍾意飲蜆湯嘅我好喜歡呢個，最後想買個甜品，今日真係好滿足，而且價錢唔貴，下次會帶埋家人黎。