諗起呢間新開嘅湯品店
趁住凍凍地去試吓🥣
港島九龍有5間分店
今次就去咗新開嘅旺角店
呢度主要做堂食 當然都有外賣🌟
初頭以為淨係賣日式湯品
原來仲有輕食、小菜、咖喱飯🍛
以套餐形式供應
除咗幾款固定湯品
仲會有期間限定款式🍲
湯品+一品料理+飯 HKD$69/79/ 🍲湯品 /
1
北海道產甜粟雞肉豆乳濃湯個人十分喜愛忌廉粟米湯🤩
呢個湯特別之處係以豆乳取代忌廉
啱晒又想飲又怕肥嘅我🤓
湯嘅質感好creamy!
雖然冇咗忌廉奶香
取而代之嘅豆乳亦好香濃🥛☺️
相對上冇咁漏🥰
非常有粟米香🌽
食到粒粒粟米又好清甜🤩
呢個湯仲要好足料！
雞肉、西蘭花同甘筍
用咗雞髀肉 肉質嫩滑🤤🤤
西蘭花同甘筍吸哂啲湯
配飯食一絕‼️
一汁一菜和牛羅宋湯店員推介嘅皇牌湯品🥫
我覺得佢係升級版羅宋湯🤣
番茄味好香又好濃郁
甜中帶微酸 好開胃🤰🏻
加入左好多款唔同嘅蔬菜
洋蔥🧅甘筍🥕西芹🥬椰菜🥦番茄🍅
用和牛油炒過更加香！
和牛份量都唔少！
肉質唔會太韌！吸滿蕃茄香🍅
唯一缺點係個湯比較油
不過如果愛番茄 一定好鍾意呢款！
/ 🍱一品料理 /
番茄菠菜芝士雞肉卷呢個雞肉卷好有日式西餐味道🎌
用雞肉包住菠菜同芝士
估唔到又幾好食🤤
雞髀肉做到一啲都唔嚡
菠菜芝士令味道更豐富
淨食雞肉卷冇太重調味
用上蕃茄醬一齊煮
味道酸酸甜甜帶茄香🍅
幾夾！
油揚豆腐黑豚薑汁燒呢款比較似日式嘅家常小菜
主要係五花腩片同油揚豆腐炒成
加入特製薑汁日式醬汁
唔太食到薑汁味
比較似普通日式醬油
味道鹹鹹甜甜 都算惹味！
五花腩油香較重
但肉質偏乾少少🤏🏻
油揚豆腐吸收哂醬汁味道
精華嚟！
🍚飯/石窯麵包
套餐嘅飯可以選擇配飯/石窯麵包/沙律
今次呢兩個套餐就揀咗飯同石窯麵包
🍚白飯用上日本珍珠米
飯粒軟糯 較有黏性
🍞石窯麵包質感軟熟帶少少韌性
有牛油香 味道甜甜地
-
真係會飲湯都飲飽🤰🏻
一汁一菜呢個概念幾好
飲湯之餘仲可以食啲小菜🤩
