影片
更多
2016-04-09
706 浏览
今晚妹妹美容國際試大成功，我地決定去食放題拆餐勁既慶祝下！睇openrice左揀右揀，見呢間既裝修好似幾唔錯，食評都係講得幾好，地點仲好方便，一於試試。我地行完街，8點半去到，已經有唔少人排緊隊喇。好彩出面有d位坐下，等既期間我地拎左d放題紙睇定有咩食，過左20分鐘左右就安排入座，都唔算等好耐。我地被安排坐係近門口既卡位。好開心，哈~張枱好大好闊落，坐六個人都無問題呀！我地旁邊有間和風式既房仔，可以坐10-15人左右。下次同朋友慶祝生日可以book呀！自成一角自己玩，唔錯唔錯。一坐低見到枱面有兩本厚厚既筆記本。原來裡面就係一頁頁既放題食物紙！！兩本筆記本以英文字母將不同款式食物分類，一本係以炸物，和風小食，鍋物，飯麵類等等為主。另一本係刺身，壽司，卷物，期間限定食品等等。分類清晰，我地一人剔一本，然後交換睇，好快就落哂柯打等食了，嘻嘻。呢度有任飲任食甜品區。而且飲品選擇超級多，有韓國Hite啤酒，藍冰啤酒，百事可樂，乳酸飲品，烏龍茶，迷你裝鴻福堂系列飲品等等。比起其他放題店，呢度既飲品係又多款又岩飲！話明要慶祝一下，咁就啤一啤佢啦上食物既速度好快，第一輪既食物話咁快就送到。呢個熱辣辣既
我地行完街，8點半去到，已經有唔少人排緊隊喇。好彩出面有d位坐下，等既期間我地拎左d放題紙睇定有咩食，過左20分鐘左右就安排入座，都唔算等好耐。
我地被安排坐係近門口既卡位。好開心，哈~張枱好大好闊落，坐六個人都無問題呀！我地旁邊有間和風式既房仔，可以坐10-15人左右。下次同朋友慶祝生日可以book呀！自成一角自己玩，唔錯唔錯。
一坐低見到枱面有兩本厚厚既筆記本。原來裡面就係一頁頁既放題食物紙！！兩本筆記本以英文字母將不同款式食物分類，一本係以炸物，和風小食，鍋物，飯麵類等等為主。另一本係刺身，壽司，卷物，期間限定食品等等。分類清晰，我地一人剔一本，然後交換睇，好快就落哂柯打等食了，嘻嘻。
呢度有任飲任食甜品區。而且飲品選擇超級多，有韓國Hite啤酒，藍冰啤酒，百事可樂，乳酸飲品，烏龍茶，迷你裝鴻福堂系列飲品等等。比起其他放題店，呢度既飲品係又多款又岩飲！話明要慶祝一下，咁就啤一啤佢啦上食物既速度好快，第一輪既食物話咁快就送到。
呢個熱辣辣既芝士年糕真係要讚讚讚！新鮮炸起既芝士年糕，外面咬落薄薄一層脆皮，面層煙韌彈牙qq既年糕，少少甜味。咬穿年糕，感受到熱辣辣既芝士流出黎，香濃既芝士味仲要流心添！真係 好 好 食！我一次過食左兩粒都唔漏。
青瓜蟹子沙律---沙律醬適中，青瓜絲幼細爽口，配上蟹柳同蟹子，不錯既小吃！
好特別呀~~~第一次見既"鹽焗銀杏"(即係白果)!! 之前食白果都係腐竹雞蛋糖水裡面有會食幾粒。特登有一道小食係白果幾得，所以點黎試試。鹽焗左既白果，外殼好稔身，輕輕都可以打開。裡面黃色既肉甘甘地，同平時食既白果差唔多味，不過由於用鹽焗過，比較香口。
食飽飽後我地係任飲區見到有個甜品櫃有好多款呢d迷你杯杯甜品，我地揀左個楊枝甘露蛋糕，木糠蛋糕同moose cake (仲有chocolate brownie同其他甜品真係飽到食唔落) 味道不錯，最重要係細細杯，可以試多d款！有甜品既晚餐先係完美的 哈哈！總括而言，至尊滿屋日式放題環境舒適，和風格局影相又靚又有feel. 任飲選擇多，服務好好，清潔及換碟頻密，最重要係唔甩單！每次既柯打都到齊，比其他放題店優勝喔！下次再黎拆餐勁
张贴
