影片
更多
2022-11-06
444 浏览
去日本之前嘅熱身，一定係食日本野。omakase當然最好，但次次都食到咁貴，真係好肉痛，咁不如經濟少少，試下居酒屋？之前記得和藏的話，你應該都睇過我寫過佢另一間餐廳和緣，非常精彩的餐廳，佢地出品嘅居酒屋又會有乜野特別呢？熟我少少的朋友都知我讀左SSI，來飲清酒就特別覺得親切，你可以以薰爽醇熟四大類別去了解清酒，你可以選擇唔同價錢嘅sake flight，我當日就選擇左二百幾嘅選擇，四種各有特別嘅sake，當晚我最喜歡一定係東洋美人嘅地帆紅，爽酒黎講唔會好佬。天狗之舞都唔會好似熟成酒咁一定係黃酒咁款，佢係好細膩個隻，都幾得人鐘意，而生酒個枝就一貫元素好多，薰酒就基本上人見人愛，車見車載，總之，我都幾推薦如果你黎一定要飲個flight，而當然，如果你愛sake，開支都係非常不錯嘅選擇，個list好長而且又唔貴，絕對適合飲酒嘅好地方。季節壽司盛合有壽司八件，卷物三件，全部都係靚魚，唔會俾啲普通野你，秋冬當然肥美，呑拿赤身勁出色，甜蝦同魚籽都好唔錯，呢個係刺身以外嘅好選擇。龍蝦料理兩食又係令讀者想起上次尖沙咀同九龍城我推薦個龍蝦，今次近九龍城食法，有黃金醬燒龍蝦球，你大概都估到乜味，本身話二人
omakase當然最好，但次次都食到咁貴，真係好肉痛，咁不如經濟少少，試下居酒屋？
之前記得和藏的話，你應該都睇過我寫過佢另一間餐廳和緣，非常精彩的餐廳，佢地出品嘅居酒屋又會有乜野特別呢？
熟我少少的朋友都知我讀左SSI，來飲清酒就特別覺得親切，你可以以薰爽醇熟四大類別去了解清酒，你可以選擇唔同價錢嘅sake flight，我當日就選擇左二百幾嘅選擇，四種各有特別嘅sake，當晚我最喜歡一定係東洋美人嘅地帆紅，爽酒黎講唔會好佬。
天狗之舞都唔會好似熟成酒咁一定係黃酒咁款，佢係好細膩個隻，都幾得人鐘意，而生酒個枝就一貫元素好多，薰酒就基本上人見人愛，車見車載，總之，我都幾推薦如果你黎一定要飲個flight，而當然，如果你愛sake，開支都係非常不錯嘅選擇，個list好長而且又唔貴，絕對適合飲酒嘅好地方。
季節壽司盛合有壽司八件，卷物三件，全部都係靚魚，唔會俾啲普通野你，秋冬當然肥美，呑拿赤身勁出色，甜蝦同魚籽都好唔錯，呢個係刺身以外嘅好選擇。
龍蝦料理兩食又係令讀者想起上次尖沙咀同九龍城我推薦個龍蝦，今次近九龍城食法，有黃金醬燒龍蝦球，你大概都估到乜味，本身話二人份，但我地想試多啲，四個人一人一件，龍蝦粥都好清甜，基本上枱枱都叫，應該都係經典之作。
大推呢個廚師長秘製吞拿魚下顎，可能你見到價錢覺得貴，但我大推，入口係有種勁豐富又覺得幸福的感覺。呑拿魚好似食緊肉咁，入口有溶化嘅感覺，唔知點解又好似有骨膠原咁，真係好好食。
打卡位真係多，宮崎A4和牛肉眼三食係一道適合好多唔同人食嘅野，一道三文治就令你想到wagyumafia，當然唔會有咁高質素嘅牛，但平好多，打卡都玩味得多，第二道壽喜燒嘅菜同蛋係好令人滿意，突顯出牛嘅鮮味。最尾的和牛壽司唔駛多講，影完相即食啦。
華味鳥、柚子蘿蔔絕對顯示到燒功，雞肉剛剛好嘅嫩滑，唔會令人有一絲覺得鞋口，同吞拿魚下顎一樣不可錯過。
燒野食完幾得就當然要叫多串，牛舌同雞翼我選擇了牛舌，想試下佢嘅牛處理得好唔好。
五卵卡邦尼烏冬又係打卡位，以明太子、海膽、烏魚子、溫泉蛋、三文魚籽撈埋一碟點會唔好，個醬汁同口感可以話係好豐盛，你基本上諗唔到咁多種濃味食材唔會你推我讓，大家慢慢有層次咁奏一首交響曲。
最緊要氣氛好好，bar枱更加可以睇到open kitchen 嘅作業，同人飲酒更加開心，如果要ready投入去居酒屋的氣氛，來就一定無錯。
张贴
