阿久根和牛拉麵屋

营业中

休息中

阿久根主打和牛拉麵，一去到門口已經好有日式風味，大大個的紅色燈籠，相當搶眼，而店內嘅裝修都好日系，以木色風格為主調，令人有種置身於日本拉麵屋嘅感覺。招牌三色拉麵 $128三色指慢煮A4和牛、雞肉及燒豚肉，A4和牛脂肪比十分出色，油而不膩，雞肉鮮嫩，口感彈牙，燒豚肉入口即溶，相當入味，而拉麵用上海老湯底，濃郁得黎但又唔會太咸，好食。耐燒美國安格斯牛小排魚介湯沾麵 $138沾麵用魚介湯，新鮮煮起，上檯仲有氣泡啵啵，啵啵咁漲起，沾麵湯同樣一啲都唔膩，沾多啲都唔怕，沾麵唔算粗同都爽口彈牙，而安格斯牛份量好多，烹調得好腍。沖繩芥末餃子4枚 $48餃子皮薄餡靚，外皮煎得香脆，餡料用豬肉、洋蔥、芥末等材料猜成，芥末份量恰到好處，唔會放得太多而攻鼻。