牛禪燒肉日本料理 (已結業)

當我呢啲大食懶想食燒肉嘅時候，自然就會諗起上次嚟牛禪食得有幾開心，又有人幫我哋燒埋，又好味🤤所以今次同朋友又再嚟過［三點前菜，$30］上次食完對個蒜頭念念不忘，所以今次都叫返嚟食吓先，依然係爽甜唔辣口。側邊嘅海哲同魚仔都好香口開胃［日本青蘋果蟹籽沙律，$78］青蘋果好爽口，清新酸甜，同燒肉一齊食可以降低油膩感［特上創作壽司拼盤，$288］我食咗其中嘅吞拿魚壽司同拖羅蓉蟹籽壽司，前者魚味濃、鮮甜軟滑，後者魚味雖然唔算出眾，但油香留喺口度久久不散。而且壽司飯適當地黏糯，夾起唔易散得嚟又唔會太實，口感一流［刺身拼盤］牛禪嘅刺身新鮮有保證，所以今次我哋都揀咗三款，包括原條伊佐目（$280）、深海池魚（右上，$168），同埋活赤貝（$98）。厚切嘅深海池魚魚味超濃、赤貝爽口唔腥、第一次食嘅伊佐目則鮮味帶咬口刺身依舊又靚又高水準呀［極上和牛盛宴，$1380］入門口時都見到幾枱喺度食緊呢個牛肉拼盤，睇埋價錢，和牛嚟講其實都算唔貴，所以我哋都叫一set嚟試吓幫我哋燒個叔叔俾咗呢張卡我哋睇，佢會幫我哋由最淡味、最少脂肪嘅部位開始，一路燒到最重牛味、最多油脂嘅部位每一個部位要燒嘅時間都唔同，但呢位叔叔對時