和牛燒肉‧純

一直都好想食依間和牛燒肉店，但覺得佢有點貴，所以今次係朋友生日就訂左位豪食一番。見到依間既評價都好不錯，又問過朋友都大推，所以吾會令我地失望啦！睇左menu我地就點左四款牛肉，兩人份量都夠呢！等緊牛既途中，我就點左日本產梅酒($60)小酌一下梅味都幾重，好岩我口味！仲有沙律食住先，開一開胃。和牛上枱啦，睇落啲脂肪紋路好正囉，流晒口水！特選日本產和牛肉眼 $550肉眼就係喜歡啖啖肉既必食，大大塊，厚度又適中，兩邊燒一定時間，中間仲有微微粉紅，吾會太熟甘就岩岩好！特選日本產和牛牛排肉 $320牛排肉既脂肪比例好均勻，所以食落有啲入口即溶既感覺呢！好正，靚和牛先有既口感～和牛赤身肉 $150店員話依款肉又名健康肉。甘多款牛肉我特別鐘意依隻赤身肉，無乜油脂又薄嫩，岩晒怕肥既我！日本產豬五花肉 $98而豚肉都出乎意料好，燒到有少少焦脆，啲油份又稍微收乾就完美整體我覺得真係好正，係平時放題啊個啲完全吾一樣！亦都令我感覺置身日本既燒肉店既質素～燒肉配飯係好完美既一餐！