大和牛石燒專門店 (已結業)

係門口見到石燒都好吸引，而且晚市價錢幾抵食，叫左個300g 美國安格斯牛柳，配料等等既野都係自助形式，可以自己簡醬料，個人推介黃芥末，配肉食感覺冇咁油膩，之後仲可以自己裝飯，沙律等等，所以一個餐黎講都幾多野食架。呢到都幾貼心，因為石燒牛一上台，D油會易彃出黎，但佢會用張紙鋪係面! 如果怕彃到衫，仲有提供埋圍裙。安格斯牛柳300G好足料，好重牛味，燒到5/6成食的牛肉好嫩，啖啖肉好滿足。另外，叫左份日本大和豚肉眼，呢個就要燒耐D，肥肉位唔算多，所以都唔會驚太油。可以加少少錢叫埋set，有野飲同薯條，呢到既薯條係粗款，都幾好食