牛魔 (已結業)

食晏食燒肉真係好幸福！但係食得就要食好啲。要食得好就一定要食和牛。牛魔主力食嚟自唔同產地嘅和牛，午市一人燒肉套餐性價比都好高。推介牛魔燒肉盛合，入面六款都係和牛，包括A4和牛霜降、澳洲和牛西冷、澳洲和牛胸腹、澳洲和牛五花、厚切和牛舌、和牛牛肩肉。款款都高質淋滑。跟餐已經有沙律、牛骨湯、前菜、白飯，可以加$5昇級成牛魔拌飯。加咗飯素紫菜碎牛肉汁嘅飯同埋燒好嘅和牛一齊食特別正。飲品加$10轉冰麥茶有成支都幾抵飲。如果肚餓就要叫燒肉自選定食，分可以叫自選三款特定肉類嘅「三款盛」或者有齊七款嘅「七款盛」。有和牛牛肩肉、薄切和牛牛舌、澳洲和牛胸腹、豚肉五花薄切、豚肉五花厚切、黑毛豬頸肉、醬油鳥肶肉。份量的確驚人。