影片
更多
2021-07-13
139 浏览
朋友推介去佐敦食和牛燒肉, 一出𨋢就見到成隻牛迎接我, 店門好靚, 仲可以見到廚師切肉既情況,裝修亦好靚, 超級闊落, 服務招呼一流, 又有禮貌! 好開揚, 感覺好舒服, 完全無壓迫感. 門口仲有等候位.食物選擇多, 當然主打係和牛放題, 價格視乎你想食咩質素既和牛. 當然亦可散叫. 牛, 豬, 雞, 海鮮, 蔬菜, 牛刺身, 壽司, 前菜, 飯, 麵, 酒類, 乜都有.泡菜盛合, 涼拌小食盛合食太多肉類, 前菜最好就配上蔬菜混和一下, 泡菜蘿蔔等等就係最好既選擇.舟. 盛合 (美國牛, 澳洲牛, 豬肉, 海鮮, 野菜)牛肉(牛外橫膈膜, 牛里脊肉, 牛肋肉, 牛肋條肉)同豬肉, 肉質都好腍, 味濃, 因為選取既部位已經係挑選過, 有保證. 帆立貝好大隻好新鮮, 連殼燒, 保留原汁風味.是日寶箱: 小田牛西冷超級推介, 上枱已經見到塊牛既質素超高, 完全係真和牛風味, 肉嫩, 味香, 入口即溶, 仲要係店員幫你燒埋, 服務至上!生牛肉壽司, 牛大腹肉壽司睇到就已經想放佢入口, 肉質鮮嫩, 紋理清晰, 牛味香濃!炙燒壽喜燒壽司肉質好靚, 店員會幫你用火槍即燒, 配埋生雞蛋醬汁, 超級好味
朋友推介去佐敦食和牛燒肉, 一出𨋢就見到成隻牛迎接我, 店門好靚, 仲可以見到廚師切肉既情況,裝修亦好靚, 超級闊落, 服務招呼一流, 又有禮貌! 好開揚, 感覺好舒服, 完全無壓迫感. 門口仲有等候位.
食物選擇多, 當然主打係和牛放題, 價格視乎你想食咩質素既和牛. 當然亦可散叫. 牛, 豬, 雞, 海鮮, 蔬菜, 牛刺身, 壽司, 前菜, 飯, 麵, 酒類, 乜都有.
泡菜盛合, 涼拌小食盛合食太多肉類, 前菜最好就配上蔬菜混和一下, 泡菜蘿蔔等等就係最好既選擇.
舟. 盛合 (美國牛, 澳洲牛, 豬肉, 海鮮, 野菜)牛肉(牛外橫膈膜, 牛里脊肉, 牛肋肉, 牛肋條肉)同豬肉, 肉質都好腍, 味濃, 因為選取既部位已經係挑選過, 有保證. 帆立貝好大隻好新鮮, 連殼燒, 保留原汁風味.
是日寶箱: 小田牛西冷超級推介, 上枱已經見到塊牛既質素超高, 完全係真和牛風味, 肉嫩, 味香, 入口即溶, 仲要係店員幫你燒埋, 服務至上!
生牛肉壽司, 牛大腹肉壽司睇到就已經想放佢入口, 肉質鮮嫩, 紋理清晰, 牛味香濃!
炙燒壽喜燒壽司肉質好靚, 店員會幫你用火槍即燒, 配埋生雞蛋醬汁, 超級好味!
冷麵韓式風味, 泡菜+麻油香, 食完燒物, 食返碗冷麵溫和下.
壽喜燒牛肉丼壽喜燒牛外, 仲有半熟蛋, 豆腐, 自家醬汁, 配搭好好, 撈起一齊食, 有D似韓食feel.
另外仲有甜品放題區, 有甜品, 沙律, 汽水同多款果汁, 仲有好多款日本雪條.
张贴
