大和牛石燒專門店 (已結業)

黎到九龍灣唔知食咩，睇吓睇吓發現有一間新開冇耐嘅舖頭食漢堡同埋燒牛肉。見到係要一個石板燒牛肉覺得幾吸引就入咗嚟試吓先。呢度係自助式，湯，白飯同埋沙律都可以自己裝，可以仼添所以唔驚食唔飽。有兩張餐紙自己點，一張係食漢堡嘅，一張就係石板燒，每個價錢有唔同選擇睇返自己想食啲咩。經典三重芝士和牛漢堡 ($62)呢個漢堡嘅和牛非常之香，又好重牛味，同埋好厚好大塊，連埋幾重芝士真係好正！澳洲黑安格斯西冷 (168/300g)呢個牛一上枱嘅時候係用張紙蓋住，餐廳都幾貼心唔想啲油彈到周圍都係。然後揭開張紙發現塊牛好厚好大塊，大家可以根據返自己想要嘅熟度再慢慢喺塊石板上面燒。呢款牛牛味都幾濃同埋個性價比都幾高。Sapporo ($48/500ml)食漢堡加牛肉配埋個啤酒真係爽。