大和牛石燒專門店 (已結業)

翻新後得寶商場越黎越多唔同野食，而且都係小店居多，所以九龍灣又多一個搵食好去處。同其他石燒店一樣，呢度主打食牛，不過呢度有樣好就係嗌一份石板燒牛扒，就有得任食沙律、湯、珍珠白飯，呢個安排幾抵。澳洲黑安格斯西冷呢度西冷真係唔錯，塊牛脂肪平均，上碟時大約有三成熟，可以按翻自己鍾意既成熟度再係石上燒。食落肉質有口感，味道濃郁，加上少許海鹽作調味，已經係上上美食。經典和牛漢堡同樣地和牛漢堡都好出色，鎖住肉汁，咬落好juicy，配合簡單材料就已經係一個高質既漢堡。個人鐘意粗薯條，不過幼薯條食落都好香脆。當然價錢只係幾十蚊，性價比都真係好高。