和牛蕃 (已結業)

同兩個朋去左食呢間和牛蕃，晚飯黎既，去到覺得個門面好轉折咁，入面既裝修就幾舒服既。個 staff 過黎介紹，有三款 set , A、B 同 Deluxe，睇落都唔算吸引，結果就全部散叫，叫一人一碗湯，我就飲個牛尾湯，味道普通，份量就超細，$88一個湯，但就得大概一碗中式酒數碗仔度既份量，真心小家。跟住叫左和工海膽壽司，無特別，唔太驚喜，無和牛刺身嗰個咬口同香味。唔推介。燒牛肉就叫左，稀少部位、肉眼、牛小排、牛脷，牛脷幾厚身，唔錯。唔記得講，呢間野全程係個 staff 幫你燒既，第一塊牛脷燒得唔夠熟，無香味又太「林」，結果要再燒過先得。跟住嗰尐都幾好味，算係合格。之後叫左一份steak sandwich, 兩份牛肉他他同兩份生牛肉飯。整體既感覺都係份量勁細。去食既話要問明份量，如果唔係會叫得好唔夠食。其實點解唔再貴少少，個畀多尐分量呢？服務ok，細心。最後三個人，總共HK$2,728。不過三個人食完，一個無事，一個嗰晚屙左兩次，一個第二朝嘔。