稻八日式火鍋炸物放題 (已結業)

朋友約食飯，仲要係火鍋放題，當然放工即閃去”拆”餐勁。入到黎大埔，今次試稻八日式火鍋放題，去到門口，已經比佢個餐牌－節日限定清酒梅酒和牛放題吸引，淨係其中一樣放題已經”不得了”，仲要每樣唔止得一款選擇。 入座後六款湯底自己選擇，既然食得和牛，當然選擇青湯底，無謂遮蓋和牛本身既肉味。和牛分澳洲、日本兩種，待應推介先食澳洲和牛，再試日本；每個部位都有建議先後次序黎食， 試完一轉澳洲及日本和牛後，每個部位都好好食，牛肉味濃郁又。各款和牛部位之中，個人推介日本和牛肉眼上蓋。雖然眼看指方比例較其他部位多，但食落口感極佳，有入口即溶既感覺。 至於清酒，梅酒；除了兩款暫時缺貨外，也試了餐牌上八款清酒及梅酒。其中梅乃宿柚子酒及中田蜂蜜梅酒味道偏甜，正好緩和濃郁的和牛味又可以再吃更多！喜愛酒味較濃的，大吟釀也一定要試。 除了清／梅酒和牛三款主角，其他自助火鍋配料款式多及不停添補、供應，還有自助天婦羅（更是自已制作！），甜品雪糕糯米糍，一定食得滿意。 埋單連加一四佰三十有找，好過去酒店食自助餐。