稻八日式火鍋炸物放題 (已結業)

入秋最啱食乜嘢？梗係食火鍋啦同朋友踩完單車去咗大埔墟食呢間餐廳😃火鍋刺身任食，重點係有和牛食，咪講笑，啲和牛放入口真係入口即化，而家餐廳絕對質素高，每盤牛肉都勁靚，唔會好似出面餐廳咁，得頭一兩碟係靚，之後愈比愈差😣除咗和牛外，仲有豬，雞同羊食，多款選擇，包你唔會食悶。刺身方面，款式剛剛好，有齊帶子、北寄見、油甘魚、希靈魚、甜蝦、鮑魚片、櫻花魷魚、三文魚等，刺身新鮮，亦無任何雪味👍🏻值得一提，餐廳有個炸串corner,呢個位置非常受歡迎👏🏻，時刻都企滿人，因為係自己整炸串，仲可以自己調味，同樣地，款式又係剛剛好，而家全部炸出嚟都好好味，特別要是係燒賣、甜薯、蝦同埋茄子 🍆，再配埋椒鹽粉，勁正！我起碼食咗3 round🙈🙈其實餐廳仲有多款蔬菜同丸類選擇，不過我哋今餐主打食肉🤣🤣食飽正餐食埋雪糕🍦簡直係perfect day 🤩而家餐廳好好呀，埋單後仲可以再憑單換Häagen-Dazs同Movenpick添呀，我下次再帶屋企人黎食先☺️