越潮越南餐廳 (已結業)

後街小店，多數都好有特色，好平、好特別、好靚、自家製、好好食等等，就係咁，我中左伏。
首先，自身經驗加觀察，啲店員落單極唔專心，算，通常對小店嘅容忍度高啲。

香茅豬肉湯檬，$5X得果零零丁丁幾片肉仔，仲要有啲位比較暗沉，明顯係煮好擺左好耐，味道都ok但賣相、新鮮度同口感都非常之差。檬粉煮耐左好淋，湯底似加左鹽嘅滾水。呢碗粉，根本$20都唔值。

鮮蝦卷個樣都加返少少分，至少材料方面都有啲誠意。粉皮煙韌，個醬汁都唔錯，不過呢兩樣嘢應該都係現成貨，冇技術可言，卷入面嘅蝦都爽嘅，香葉蔬菜檬粉冇咩特別，成件事好平凡又冇廚藝，但都收$5X。

最反感係食到最後至見到個湯檬加送昆蟲，飽晒。