越潮越南餐廳

越南餐館，本人很少去吃，可能風味道偏重，不是太多人喜歡，而這間因多做港人生意，食物變了港式越南風味。所以評論2極化。在此建議如要吃正宗越式，點餐時跟老闆娘說聲要正宗，老闆娘會識做的。先說室內環境，開了10多年，確是一般，食具有少許不佳，考慮是小店，所以衛生只給3星。食物質量方面，份量充足，材料沒有少給，但可能要就一般港客，所以不太重口味，我較特別欣賞是蝦片蠔仔及越南架啡，另點了串燒，沖牛肉河粉和凍檸蜜，第一道菜香港越舘少見，另如你去了越南當地，可能都不敢點，怕水土不服。跟老闆娘閒聊，她說未來1-2年將會退休，最後其請了本人一杯凍啡，埋單2大1小240附近。價錢及份量可以。…查看更多

聽朋友推薦去試下，已經金睛火眼睇到餐牌係寫PHO，點知一嚟到望個樣就知伏到震，完全無pho 嘅香茅青檸辣椒…得一碗好清嘅河粉，我廢事屈咗佢特登問多次係咁㗎啦？有無配料？佢好似唔明我講咩話：「無㗎清雞湯嚟，啲香茅醃咗入豬扒」我當刻即場stone咗😅呢啲叫PHO?🤣到食落去不出所料，真係無咩味，難食過對面啲茶記，個豬扒得個鹹字，薄過薄餅薄批，咬落去完全食唔到肉，柴口+全肥膏，我朋友果碗豬頸肉仲離譜，薄到似碎紙片😂😂😂，我地默默食，但大家都知好伏，伏到想即走難食都算，唔知係咪老闆娘個仔，兩個細路用尖叫+玩具🪀折磨咗我成餐，完全無停過！無人有意識去控制下佢地有時都想支持下小店，收我$140蚊俾啲咁嘅垃圾街坊食，仲唔執都好嘢👏🏻，有啲小店真係唔抵幫，特別係呢間😊…查看更多

雖然主打越南粉麵飯，可惜不夠「越」風味，一心想食越菜的，或會失望。不過，作為街坊食堂，份量足、價格合理、味道不俗👍🏾，在筆者心目中佔有一席位，因為往往⋯⋯🙎🏻‍♀️：今日食咩好？💁🏻‍♂️：嗰間越南嘢啦。🙎🏻‍♂️：不如今日食平啲。💁🏻‍♀️：咁越南嘢啦。🙎🏻‍♀️：想食啲有湯嘅。💁🏻‍♂️：越南湯檬囉。🙎🏻‍♂️：今日好熱冇咩胃口，想食凍嘢。💁🏻‍♀️：撈檬囉，酸Mei Mei開胃。她，這是這麼一個存在，外貌不是花枝招展，看起來實在平庸，看照片就知道。不過，只要你願意一窺究竟，會發現，禾稈冚珍珠、好物沉歸底。她，又名奧田咲。當你無心水時，奧田咲啦。當你想簡單食一餐，奧田咲啦。當你有一定要求同時不想左挑右選慢慢搵，你知點揀啦。🍜圖中那碗香茅雞扒湯檬$58，當然不是驚為天人，令你一試難忘，但絕對能夠滿足你基本的味覺需要。而且碗湯，清而不淡，有味而不鹹，不是那種飲完食完會覺得好鹹、需要飲水那一種。然而，坦白講，雞扒雖然不柴不乾不硬，但香茅味欠奉，所以溫提：記得索取泰式酸辣醬提味，會香口好多。2️⃣ 至於香茅豬頸肉炒河$60，同樣問題，香茅味不足，幸好豬頸肉可口軟腍，炒河則香氣十足。另外，無論炒檬、炒河，還是炒飯，份量一向偏多，自問食量正常的，記得要求少麵少飯，或者打包，不要浪費。🧋溫提多一點，飲品偏甜，記得少甜。打完越潮和奧田咲，是時候打機了，886👋🏾。…查看更多

失望到特登開OpenRice 嘅AC打食評大圍都出名多美食 估唔到求其搵間會中伏個日同友人嗌咗一份撈檸同一份豬頸肉炒檸豬頸肉炒檸都成$60 其實都少貴上檯時 完全冇越式味道食落味道似屋企炒粉絲成碟豬頸肉炒檸 就係生菜+蛋+檸粉+豬頸肉咁就60蚊係香港未試過入間越式餐廳 會食到咁嘅味道…好失望明白小店位置狹窄但佢哋員工放飯時 就坐正我哋隔離張枱然後問都冇問過 就移開我哋張枱比佢哋入去坐低放飯臨走仲同我講 下次要再嚟試吓佢哋一啲特色菜心諗，仲有下次咩…查看更多

叫左碗香茅豬扒湯河，完全無其他配料，湯底無味道。係呀 ，佢無呃人嫁，真係豬扒同河粉，呀 仲有湯既，吾係，係熱水加少少鹽。夠哂健康真係不可一不可再。最有趣係，呀姐話吾夠味叫我加撈檬既酸甜汁落去。我立刻黑人問號。大家鍾意咁獨有既風味可以試吓嫁…查看更多

大圍一向隱世小店特別多。隨意地走進了這家小店，門面一點也不吸引，似乎只是以街坊為對象的普通餐廳，因此也沒有任何期望。我們點了生牛肉湯河、馬拉盞通菜和鮮蝦粉卷。湯河十分清甜，充滿越南風味，生牛肉恰到好處。鮮蝦粉卷生菜、米粉和鮮蝦的味道混在一起，既清新爽口，以味道濃郁，比想像中來得好吃。唯一失色是通菜炒得過老，不過味道濃郁，瑕不掩瑜。…查看更多

四人餐的份量及美味超乎我們想像！大大碟鮮蝦沙律，清新又酸酸地，令人胃口大增！兩塊大大塊雞扒，香脆又多汁！沙嗲串燒好大條，好滿足仲有炸魚餅、馬拉盞通菜及炒金邊粉，都係大碟又有一貫水準👍樓面姐姐很友善，耐心介紹餐牌及食物，亦細心幫助客人。本來沒有特別期望之下來幫襯，但是出乎意料地滿意。本以為份量不多（多數鋪頭都係咁），但每一碟的份量都是超豐富，最後竟然食唔晒。價錢很合理，用心製作的食店，有機會一定會再幫襯！😄…查看更多

晚上想吃得清清地，就要了個大蝦越南撈檬，裡面有新鮮的西生菜,紫椰菜切得一絲絲的，蝦大大只，全部都很彈牙，上面還淋上了蔥油，檬粉粘滿了魚露酸甜汁，配合著西生菜，紫椰菜絲一起吃，又爽口又美味。 大圍 越潮越南餐廳 …查看更多

喺大圍行緊揾食之際突然落大兩。唔想去連鎖店、亦唔想再行嚟行去揾餐廳，就喺咁啱行到去嘅嗰條街見倒呢間越南餐廳。朋友話食過，話味道唔錯，就決定食呢間。入座時大概係晚上9點，侍應催促我哋落單。我叫咗大蝦扎肉湯檬，朋友叫香茅豬扒凍檬；再加一份豬肉蝦片。可能臨近收舖又無咩客人，出菜好快。大蝦扎肉湯檬有3隻普通呎吋嘅蝦、4片超薄嘅半圓形扎肉，覺得餸好少。蝦係實肉但無咩味，黑椒札肉好味但太薄無口感。朋友叫嘅香茅豬扒凍檬，豬扒切件上，份量都幾多。豬扒炸得好香，唔油膩，好味。豬肉蝦片有6件。蝦片暖暖地、夠脆；蝦片上嘅豬肉碎同米粉反而唔覺得係熱，而係室温。味道雖好，但感覺有啲怪。…查看更多

今日踩完單車勁攰 ，去到大圍唔知食咩好， 都知道大圍有條食街嘅 ，行行下就見到#越潮越南餐廳 ，朋友都好滿意呢間餐廳, 價錢唔貴, 份量夠同飲品大杯, 我嗌咗越式大蝦甜酸湯檬粉 ,同埋凍越南咖啡 ,啲蝦肉又大又爽口， 配上番茄 同埋有大又淋嘅白蘿蔔， 既清新又好味， 佢仲有其他有特色嘅越南菜 和飲品 例如： 香茅豬頸肉炒檬, 椰汁三色冰。…查看更多

成日都經過！有10幾年老舖，鋪面有啲殘舊！咁多年依然喺度應該有佢嘅特別之處！一於試吓佢虛實！老舖嚟講環境算ok,衛生都可接受！而且舖內keep 住有人客.食物價錢唔算實惠.海南雞飯賣相唔掂，睇落有啲煮過龍.雞肉唔算嫩滑，海南雞汁唔算出色.黃薑飯煮到有啲過濕，食落口感似糯米飯.但薑飯加左椰奶煮味道好特別.越式炒河份量多，材料有蛋絲、紅蘿蔔絲同紮肉絲.因為落左太多魚露炒所以味道略咸.但濃味人士可接受.睇落好油膩但食落唔油膩.…查看更多

入到餐廳環境已經非常之一般，中午時間就諗住快食，冇所謂啦有一台客食完準備埋單，走左後就只剩翻我哋一台。本來餐廳員工就傾緊計都幾大聲，之後嘢食到左後，賣相一般到，沒有什麼食慾，所以只食咗一半食物到咗後，中一個員工突然之間打咗個視訊通話俾朋友，視訊通話當然是擴音，咁量都幾大，我哋好清晰聽到內容，而店舖員工基本上逐個逐個對住個視訊電話傾計，音量大到完全冇顧及當時店舖在用餐的客人，完全無視客人存在，一直視訊通話咗十幾分鐘，這十幾分鐘，我同朋友完全好影響食嘢心情，更完全傾唔到計員工收線後，有一位員工在整理餐具，就在我哋隔2張台旁邊，聲響可以大到，我同朋友講嘢都聽唔到，同時店舖有個員工帶住小朋友工作，該名小朋友不斷嘈吵，大人為了安撫小朋友，將一部電話開着兒歌給小朋友看，聲量同樣很大，所以當時同時有3種噪音一齊，非常之影響客人，這些行為都很自私，完全仲嘈過街市完全沒有質素…查看更多

一間由細到大都成日食嘅越南餐廳，無論撈定湯河都一樣咁出色。特別鍾意個湯底，通常都會飲晒佢，因為冇味精飲完都唔會頸渴，食生牛肉河仲令館湯更好飲。小食拼盤都一樣咁出色。加上價錢超級抵食，所以係經常幫襯之選！…查看更多

後街小店，多數都好有特色，好平、好特別、好靚、自家製、好好食等等，就係咁，我中左伏。首先，自身經驗加觀察，啲店員落單極唔專心，算，通常對小店嘅容忍度高啲。香茅豬肉湯檬，$5X得果零零丁丁幾片肉仔，仲要有啲位比較暗沉，明顯係煮好擺左好耐，味道都ok但賣相、新鮮度同口感都非常之差。檬粉煮耐左好淋，湯底似加左鹽嘅滾水。呢碗粉，根本$20都唔值。鮮蝦卷個樣都加返少少分，至少材料方面都有啲誠意。粉皮煙韌，個醬汁都唔錯，不過呢兩樣嘢應該都係現成貨，冇技術可言，卷入面嘅蝦都爽嘅，香葉蔬菜檬粉冇咩特別，成件事好平凡又冇廚藝，但都收$5X。最反感係食到最後至見到個湯檬加送昆蟲，飽晒。…查看更多

我們一班十個八個人每個月都會去一次食午餐的餐廳,好話唔好聽都算係熟客 ,上次我們在二樓食,部份人剛剛食完但仲有人未食完,佢哋就過來俾說話我們聽,話要俾位人,叫我哋埋單,又話要交租,態度好似我哋唔駛俾錢咁,食飽就要起身走,這是什麼待客態度,呢間咁嘅店,我以後不會再去,你咁對客人,唔洗荒有回頭客。…查看更多