御勝牛 (勝利道) (已結業)

見呢間御勝牛咁多正評，今日行開勝利道就試下佢先。店面小小，最多都係坐8個人，不過lunch唔多人，無傷大雅。我有少少貪心，葡萄豬同和牛都想試，所以諗住叫個日本和牛拼葡萄豬扒丼試試。可惜，呀姐話葡萄豬扒賣哂，唯有叫個御勝牛和牛丼。一上菜，只係得個和牛丼⋯⋯說好的附麵豉湯呢？說好的所有飯類都配沙律放題呢？我以為呀姐會後上，但食到一半都未上，我就問呀姐。點知佢話麵豉空運緊過黎，未番到😶 咁你落單時又唔講？你用得「附」「配」係咪姐係included in the set?你無食材，出唔到比個客，你係咪應該係落單時同個客講？茶記都會同你講例湯送完喇🙄 令我完全有被騙嘅感覺。至於個御勝牛和牛丼，牛肉係牛根亦夠淋，但無和牛應有嘅香，整體而言都唔值咁多好評。