FLIPPER'S (已結業)

因為我最憎排隊，當熱潮稍微冷卻後，便去試食呢間日本開過黎香港嘅pancake 店。行到去餐廳門口，見到冇任何人等，侍應帶位後坐低，但佢冇比menu 我又冇話我知要自己出去cashier 買，入去第一感覺已經一般，態度散漫，好冇精神嘅員工，我好相信日本店嗰邊唔會係咁，唔知日本總店如果知道香港呢邊連咁基本service 都做唔到會有咩反應呢？🤔因為日本人做事認真又熱誠應該冇可能接受...我點左原味pancake 加royal milk tea , 等左足足45分鐘pancake 先到，等到個人呆曬，我見有人等唔到要求退錢走左，其實呢個速度係完全不能接受,令人等到冇曬心情...pancake 味道係幾好味, 好香甜又濃蛋味，但royal milk tea 唔得，只係一杯好麻麻嘅港式奶茶，失望。總括黎講，佢地嘅pancake 係唔錯，但服務態度唔及格，拎食物黎時又只係就咁放低而唔會講一聲食物個名, 飲品質素完全唔值呢個價錢，相比另一間喺尖沙咀出名嘅pancake 店，佢地飲品高質素好多好多，服務態度亦好好有日本餐廳嘅感覺，只係pancake 份量少左D，呢一點係唯一flippers 取勝。