BAKE Cheese Tart (已搬遷) 新店位置

身為芝士控的粉仔，成日聽到個撻又幾好食，但又因為聽到平日下晝都要排成個鐘，所以一直提唔起勁嚟排。今日因為畀人玩左鑊無喇喇嚟左銅鑼灣，又一肚氣，所以打算買撻慰勞下自己。見到果條兜完又兜嘅龍果下真係好想放棄，但心諗６點半仲算早就開始排隊。好彩有部手機，玩下chat下終於70分鐘左右就排到。見到唔少食評話服務態度麻麻，但粉仔就覺得ok。 不過都嫌有少少慢，相信因為係為左做人氣，做人龍。Anyway終於買到個撻，已經餓到死左嘅粉仔，第一時間攞個撻出嚟，確實係幾香。但無溫度，咬落去皮脆，芝士心好鹹香，又滑，但唔流心。同埋size比想像中細。整體嚟講唔洗排咁耐係食得過，但如果要排一個鐘以上，咁就無下次lu~~