大利清湯腩 (已結業)

以前呢一間大利清湯腩真係非常出名，我記得睇電視嗰陣蘇施黃都有介紹過，都好耐冇食過啦，今次經過又想去食下。裝修都係維持一貫嘅風格，但係入面嘅食客已經比以前少左好多，而家得返小貓三隻。牛腩河粉 牛腩有牛味，但係煮得唔夠淋， 而且肉質一般，頗為失望。湯頭都算幾清淡，但應該有加味精，味道同質素普通，不值$47。腩汁蘿蔔 維持到細細個食嘅味道，蘿蔔夠淋冇渣，腩汁煮得非常入味，唔錯。呢一間大利清湯腩已經冇細細個食咁好食，質素每況愈下，希望日後有所改善吧。如果唔係，總有一天會比其他清湯腩嘅餐廳取代。