魂 (已結業)

係太子正宗拉麵店唔多，呢間可以算係萬綠叢中一點紅。同其他正宗日式拉麵店一樣，麵食選擇三、四款咁，可以自己選擇麵既軟硬度，湯既濃度同埋追加餸。今次試左墨汁蟹膏拉麵，麵煮得唔錯，勁彈牙，最最欣賞就係果一茶匙蟹膏，加一少片金薄，勁鮮甜勁好味，真係好想紫菜包住一啖食晒。青菜汁綠色拉麵就無乜驚喜，青青既菜味，配上蟹棒同露荀，啱食得清淡既朋友。麵既份量比較少，但係無得揀加麵底，小食又只有炸墨魚丸。其實九十幾蚊一碗麵我都食唔飽真係第一次。侍應叔叔好有禮貌又殷勤，又會經常幫我哋加水，讚！