影片
更多
2006-02-14
20 浏览
13 February 2006 (Mon) - 晚飯本以為呢度係好靜既餐廳，點知都好多人同嘈下．．．有啲失望，不過食物補返晒數！同好友叫咗一人一個set dinner A，因為大家都想食鵝肝同飲龍蝦湯，所以都係覺得呢個會好味啲，至於main course，我哋一個叫咗肉眼扒，一個叫咗燒三文魚，咁咪可以share囉，橫掂佢兩個main都有兩件．．好抵食！我哋仲一人叫咗杯house red．．． 我覺得樣樣都好好味呀！！！！！不過鵝肝就稍為薄啲，雖然大塊，但其他都好好味！尤其是係佢個汁，個肉眼扒我哋叫六成熟，佢真係冇over cooked 到，好正呀！不過如果佢啲薯條係肥嘟嘟有紐紋嗰種會更加好！龍蝦湯好濃味！個甜品朱古力軟心蛋糕好好味呀，食到我lam lam 脷！嘻嘻！好友叫我記得寫低既係：原來佢啲包係可以再添，但係佢又冇預早同我哋講聲，以致我哋食時’鏡’住’鏡’住，到佢攞走碗湯時至講，我哋都唔要啦！好友話呢part要扣分！
本以為呢度係好靜既餐廳，點知都好多人同嘈下．．．有啲失望，不過食物補返晒數！
同好友叫咗一人一個set dinner A，因為大家都想食鵝肝同飲龍蝦湯，所以都係覺得呢個會好味啲，至於main course，我哋一個叫咗肉眼扒，一個叫咗燒三文魚，咁咪可以share囉，橫掂佢兩個main都有兩件．．好抵食！我哋仲一人叫咗杯house red．．．
我覺得樣樣都好好味呀！！！！！
不過鵝肝就稍為薄啲，雖然大塊，但其他都好好味！尤其是係佢個汁，個肉眼扒我哋叫六成熟，佢真係冇over cooked 到，好正呀！不過如果佢啲薯條係肥嘟嘟有紐紋嗰種會更加好！龍蝦湯好濃味！個甜品朱古力軟心蛋糕好好味呀，食到我lam lam 脷！嘻嘻！
好友叫我記得寫低既係：原來佢啲包係可以再添，但係佢又冇預早同我哋講聲，以致我哋食時’鏡’住’鏡’住，到佢攞走碗湯時至講，我哋都唔要啦！好友話呢part要扣分！
张贴
