百人一朱 (已結業)

早日非常大雨，夜晚七點幾去到，依然係要等位，不過只等左20分左右。得兩個人食，所以只點一個牛肉烏冬窩($55)、一個炸豆腐($28)、一客燒雞翼($22)、一客炸魚餅($28)。烏冬窩味道幾好，雖然擺左一陣先食（因為想食左小食先），不過都唔會”林”晒，燒雞翼味道都好好，不過略為乾左少少，而個豆腐就淡少少，唔算突出。炸魚餅就可以話係最普通，真係冇乜特別。初時以為都會好貴，不過原來都幾抵食，另外見佢有ｄ一set的餐都唔錯，加上服務都相當好，一路都有人加茶，所以值得再幫襯！