bong (已結業)

話說同事生日，同事鍾意食西餐，我地一行3個細仔就搵下邊度有靚牛扒食！搵到呢間餐廳有熟成牛扒，我地就book黎試下。我地叫了一個art B再加左碟意粉，一開始就送左個南瓜湯過黎，我覺得中規中矩，可能唔太識欣賞上面個啲泡沫，而麵包就真係好香好脆，好新鮮，不過我地唔敢食太多包，怕太飽。個沙律係係勁靚！魚生都好鮮甜，整到咁靚，我同同事都話唔捨得食！到牛扒同大蝦啦！真係好好食既熟成牛扒，我地一致高度讚揚呢塊牛扒，太美味了！鵝肝意粉就正正常常，個人覺得酸左少少。野飲都幾靚既，酒味不算太濃，好適合女士飲！成晚3個人食左$1300，質素唔錯，不過都唔平，呢度適合同人慶祝，平時應該唔太捨得黎食！